Toshkentdan uy sotib olish uchun propiska so‘ralmaydi

21 aprel kuni O‘zbekiston Respublikasi Prezidenti “Doimiy propiska qilish hamda turgan joyi bo‘yicha hisobga olish tartibini isloh qilish chora-tadbirlari to‘g‘risida”gi Farmonga imzo chekdi.

Farmonga ko‘ra, propiska tizimida quyida o‘zgarishlar ro‘y berdi:

1. Toshkentdan uy sotib olish uchun propiska talab qilinmaydi;
2. O‘zbekiston Respublikasi fuqarolari tomonidan Toshkent shahridan uy sotib olinganda olganda undiriladigan oshirilgan qiymatdagi davlat boji (mulkning 5 foizi) bekor qilinadi;
3. Endilikda propiska huquqiga ega tashkilot va idoralarning tavsiyasi bilan propiskaga ega bo‘lgan xodimlar o‘sha idora va tashkilotdagi lavozimidan ketgan taqdirda ham “propiska”si bekor bo‘lmaydi;
4. Propiska olish uchun er (xotin) nikohdan keyin bir yil davomida birgalikda yashashiga doir talab bekor bo‘ladi (qonun loyihasi kiritilmoqda);
5. Toshkent shahri va viloyatida doimiy ro‘yxatda turgan fuqarolar ma’lum muddat boshqa hududda yashab, Toshkent shahri va qaytib kelganda shartlarsiz qayta doimiy ro‘yxatga olinadi (qonun loyihasi kiritilmoqda);
6. Oilaga tarbiyaga olingan (patronat) shaxslar ularning tutingan ota-onasining doimiy yashash joyi bo‘yicha ro‘yxatga turish huquqini ega bo‘ladi (qonun loyihasi kiritilmoqda);
7. 2020 yil 1 sentyabrdan Toshkent shahri va Toshkent viloyatida, 2021 yil 1 sentyabrdan boshlab esa, Qoraqalpog‘iston Respublikasi va boshqa viloyatlarda ham “Yagona darcha” tamoyili asosida DXA bo‘limlari tomonidan propiskaga qo‘yish tizimi joriy etiladi;
8. Ro‘yxatga olish fuqaroning xohishiga ko‘ra ichki ishlar organlari, davlat xizmatlari markazlari yoki Yagona interaktiv davlat xizmatlari portali orqali bir kun ichida amalga oshiriladi.
9. Toshkent shahri va viloyatida doimiy va vaqtincha ro‘yxatdan o‘tmasdan yashash muddati 10 kundan 15 kunga o‘zaytirildi;
10. Doimiy ro‘yxatni rasmiylashtirishda pasport, uy daftari yoki xonadon kartochkasiga shtamp bosish amaliyotidan voz kechiladi;
11. Harbiy xizmatga majburlarning doimiy ro‘yxatga olishni rasmiylashtirish, ro‘yxatdan chiqish idoralararo elektron dastur orqali amalga oshiriladi;
12. Yangi tug‘ilgan chaqaloqlar FHDYo organining o‘zida tug‘ilish haqidagi guvohnoma berish jarayonida otasi yoki onasining yashash manzili bo‘yicha doimiy propiska ega bo‘ladi;
13. Toshkent shahri va viloyatida joylashgan davlat idoralarida 5 yil uzluksiz ishlagan xodim va mutaxassislar doimiy ro‘yxatga olinadi;
14. Uy-joy sotib olmagan fuqarolar notarial idoralarga murojaat qilganda ulardan propiska talab qilinmaydi;
15. Farmondagi vazifalar ijrosi borasidagi qonun loyihasi yaqin kunlarda O‘zbekiston Respublikasi Oliy Majlis Qonunchilik palatasiga kiritiladi;
16. Qonun loyihasi bilan kiritilishi ko‘zlangan asosiy o‘zgarishlar «Toshkent shahri va Toshkent viloyatida doimiy propiska qilinishi lozim bo‘lgan shaxslar — O‘zbekiston Respublikasi fuqarolari toifalarining ro‘yxati to‘g‘risida»gi O‘zbekiston Respublikasi Qonuniga daxldordir.