2021 йилнинг биринчи чорагида аҳоли бандлигини таъминлаш ва тадбиркорликни ривожлантириш мақсадида 12,2 трлн. сўм кредит маблағлари ажратилган.
Бу ҳақда 27 апрель АОКАда ҳудудларда тадбиркорликни ривожлантириш ва аҳоли бандлигини таъминлаш юзасидан ўтказилган матбуот анжуманида айтиб ўтилди.
Қайд этилишича, тадбиркорликни ривожлантириш ва аҳоли бандлигини таъминлаш учун жорий йилнинг биринчи чорагида қарийб 93 мингта лойиҳага жами 12,2 трлн. сўм кредит маблағлари йўналтирилди.
Шу билан бирга, хорижий кредит линиялари маблағлари ҳисобидан тижорат банклари томонидан тадбиркорлик субъектларининг қарийб 3 700 та лойиҳасини молиялаштириш учун 500 млн. АҚШ долл. эквивалентида кредит маблағлар ажратилган.
Жумладан, тўғридан-тўғри, яъни давлат кафолатисиз жалб қилинган маблағлар ҳисобидан 400 млн. АҚШ долл. миқдорида кредитлар ажратилган.
Изоҳ қолдириш