Буюк Британияда Ўзбекистон мустақиллигининг 30 йиллиги нишонланди

Ташриф давомида Ўзбекистон вакиллари Лондонда бир қатор музокаралар ва учрашувлар ўтказишди.

Жумладан, жорий йилнинг 9 сентябрь куни Буюк Британия парламенти Лордлар уйи биносида Ўзбекистон бўйича умумпартиявий парламент гуруҳи (APPG) ва "Евросиёнинг консерватив дўстлари" ("Conservative Friends of Eurasia") ташкилоти билан биргаликда парламент, ҳукумат, академик ва жамоатчилик, эксперт ва ишбилармон доиралар, буюк Британия оммавий ахборот воситалари, дипломатик корпусининг 50 дан зиёд вакиллари иштирокида давра суҳбати ташкил этилди.

Мозговые центры Узбекистана и Британии подписали меморандум о сотрудничестве

Ўзбекистон делегацияси мамлакатимизда амалга оширилаётган ислоҳотларнинг бориши ва мустақилликнинг 30 йили давомида эришилган ютуқлар ҳақида тақдимот ўтказди. Ўзбекистон томонининг икки томонлама муносабатларни, жумладан, парламентлараро алоқаларни ривожлантириш борасидаги кўргазмаси тақдим этилган.

Тадбир доирасида Европа ҳамжамиятига мустақиллик йилларида Ўзбекистон иқтисодиёти импорт ўрнини босувчи аграр саноатдан экспортга йўналтирилган аграр соҳага айлантиргани, маҳсулотни қайта ишлаш даражаси ва қўшимча қиймати юқорилиги кўрсатиб берилди.

Ўзбекистон томони 2016 йилнинг сентябрь ойида Ўзбекистон ўз тараққиётининг янги даврига кирганини таъкидлади. Иқтисодий ислоҳотлар, очиқ дипломатия сиёсати ва яхши қўшничилик муносабатларига алоҳида урғу берди.

Буюк Британия парламентлари Ўзбекистон Республикасининг ижтимоий-иқтисодий ва ижтимоий-сиёсий соҳаларда эришаётган ютуқларини олқишлардилар. Президентимиз Ш.M. Мирзиёев раҳбарлигида Марказий Осиёда тинчлик ва барқарорликни мустаҳкамлаш борасидаги саъй-ҳаракатларга юқори баҳо берилди.

Муҳокама давомида британиялик маърузачилар Ўзбекистоннинг ўтган 5 йил давомида эришган ютуқларига юксак баҳо бердилар.

"Eurasia Conservative Friends" Президенти Лорд Питер Лилли Ўзбекистон чуқур ва ижобий ўзгаришлар, сиёсий ва иқтисодий либераллаштириш жараёнини ишонч билан бораётганини мамнуният билан қайд этди. Лорд Лилли ўзбек халқини Мустақилликнинг 30 йиллиги билан табриклар экан, Ўзбекистон давлатчилиги тарихдан ўзининг чуқур илдизларига эга эканлигини таъкидлади. 1992 йилда икки давлат ўртасида дипломатик муносабатлар расман ўрнатилганлигига қарамай, бугунги кунда халқларимиз ўртасидаги маданий алоқалар 600 йилдан ортиқ давом этиб, Амир Темур ва Англия қироли Генрих IV ўртасидаги ёзишмаларга бориб тақалади.

APPG раиси Эндрю Бриджен Буюк Британиянинг ишончли дўсти ва истиқболли савдо ҳамкори ҳисобланган Ўзбекистон билан ҳар томонлама алоқаларни янада мустаҳкамлаш муҳимлигини таъкидлади.

Лордлар палатаси аъзоси баронесса Алисон Сатти икки мамлакат Қонунчилик органлари, хусусан, Ўзбекистонда парламент тизимини такомиллаштириш соҳасидаги ҳамкорликка юқори баҳо берди. Шу билан бирга, у ўзаро тушуниш ва ўзаро ҳурмат асосида фаол парламентлараро ҳамкорликни давом эттириш, реал шериклик муносабатларини шакллантириш зарурлиги ҳақида гапирди.

Лорд Муҳаммад Шайхнинг таъкидлашича, турли соҳаларда, жумладан, инвестиция, яшил энергетика, таълим, соғлиқни сақлаш, молия ва туризмни жалб этиш соҳаларида ўзбек-британ ҳамкорлигини ривожлантириш учун катта салоҳият мавжуд. Парламент аъзоси Ўзбекистоннинг буюк маданий меросига ҳам ишора қилиб, унинг халқаро майдонда фаол тарғиботи муҳимлигини таъкидлади.

ЕХҲТ парламент Ассамблеясининг фахрий Президенти Лорд Питер Боунесс ушбу ташкилот фаолиятида Ўзбекистон томонининг фаол иштирокини олқишлади. Ўзбекистоннинг сайловдаги ижобий ютуқларини қайд этиб, ЕХҲТ парламент Ассамблеяси вакиллик миссиясининг мамлакатимизга бўлажак президент сайловларини кузатиш учун ташриф буюриши ҳақида маълумот берди.

Консерватив партия депутати Боб Блекман Ўзбекистон Буюк Британия билан шериклик ва ҳамкорлик битимини имзолаган минтақадаги биринчи мамлакат эканини таъкидлаб, ҳар томонлама ҳамкорликни мустаҳкамлашнинг мустаҳкам ҳуқуқий асосини яратди. Шу билан бирга, таълим соҳасидаги ҳамкорликни ривожлантириш ва инсон салоҳиятини мустаҳкамлаш муҳимлигини таъкидлади.

Собиқ спорт вазири Лорд Колин Мойнихан Ўзбекистоннинг спортни ривожлантириш борасидаги саъй-ҳаракатларига юксак баҳо берди. Токиода бўлиб ўтган Олимпия ва Паралимпия ўйинларида ўзбекистонлик спортчиларнинг юқори натижалари бунинг яққол далилидир. Спорт бўйича парламентлараро қўмита вице-президенти бўлиб, у Ўзбекистоннинг тегишли идоралари билан амалий ҳамкорликни йўлга қўйишдан манфаатдор эканини билдирди.

Собиқ Халқаро савдо вазири Лорд Френсис Моуд Ўзбекистондаги ислоҳотлар савдо-иқтисодий ҳамкорликни ривожлантириш учун янги имкониятлар яратаётганини таъкидлаб, Британия бизнеси "ўзбек бозорида ўз ўрнини эгаллаш имкониятини қўлдан бой бермаслиги керак", деб таъкидлади.

Умуман олганда, фикр алмашувлар икки томонлама сиёсий мулоқотни мустаҳкамлаш, иқтисодий ҳамкорлик, маданий-гуманитар алоқаларни ривожлантириш, шунингдек, парламентлараро ҳамкорликни кенгайтиришдан манфаатдор эканлигини кўрсатди. Учрашувлар, шунингдек, минтақавий ва халқаро аҳамиятга молик асосий масалалар юзасидан фикр алмашиш ва баҳо бериш имконини берди.

Иқтисодий тадқиқотлар ва ислоҳотлар маркази жамоатчилик билан алоқалар хизмати