Инфографика: Давлат иқтисодиётдаги иштирокини қандай қисқартирмоқда

Инфографика: Давлат иқтисодиётдаги иштирокини қандай қисқартирмоқда

Ўзбекистон Президенти Шавкат Мирзиёев томонидан “Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида”ги Фармон имзоланди.

Мазкур инфографикада ҳужжатдаги энг асосий жиҳатлар қисқача келтирилган.

Ҳужжатдан кўзланган асосий мақсад – хусусийлаштиришни тезлаштириш, инвестиция муҳитини яхшилаш ва давлат активларини сотиб олишни истаган инвесторлар учун қўшимча қулайликлар яратишдир.

Инвестицион ва рақобат муҳитини яхшилаш чоралари

Эндиликда охирги календарь йилида товарлар (хизматлар)ни сотишдан тушган тушуми базавий ҳисоблаш миқдорининг ўн минг бараваридан ошмайдиган юридик шахслар ёки якка тартибдаги тадбиркорлар товар ёки молия бозорларида устун мавқе эгаллаган деб ҳисобланмайди ҳамда уларга нисбатан монополияга қарши чораларни қўлланмайди.

2023 йил 1 январдан бошлаб Рақобат ривожланиши индексини жорий этилади.

Хусусийлаштириш ва трансформация жараёнларини тезлаштириш чоралари

Ҳужжатга мувофиқ, 2022 йилда “Иссиқлик электр станциялари” АЖнинг 51% ва ундан юқори миқдордаги акциялари, “Ўзбекнефтгаз” АЖнинг камида 49% акциялари, UzAuto Motors АЖнинг 10 фоизгача акциялари очиқ савдоларга чиқарилади. Жорий йил 1 июнгача "Ўзбекистон темир йўллари" АЖнинг ривожланиш стратегияси ишлаб чиқилади.

Шунингдек, Uzbekistan Airways ва "Иссиқлик электр станциялари" АЖдаги улушларини ҳам савдога чиқаришни режалаштирмоқда. Шу биробарида, "Ўзбекгидроэнерго" АЖ ислоҳ қилиш статегияси ҳам ишлаб чиқилмоқда.

Шунингдек, яқин орада “Ўзбектелеком” АК ва “Ўзбекистон почтаси” АЖларини ислоҳ қилиш стратегиялари ҳам ишлаб чиқилади.


Мақолани улашинг

Ўхшаш янгиликлар

Сўнгги янгиликлар