Infografika: Davlat iqtisodiyotdagi ishtirokini qanday qisqartirmoqda

Infografika: Davlat iqtisodiyotdagi ishtirokini qanday qisqartirmoqda

O‘zbekiston Prezidenti Shavkat Mirziyoyev tomonidan “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy o‘sish uchun shart-sharoitlar yaratish borasidagi navbatdagi islohotlar to‘g‘risida”gi Farmon imzolandi.

Mazkur infografikada hujjatdagi eng asosiy jihatlar qisqacha keltirilgan.

Hujjatdan ko‘zlangan asosiy maqsad – xususiylashtirishni tezlashtirish, investitsiya msuhitini yaxshilash va davlat aktivlarini sotib olishni istagan investorlar uchun qo‘shimcha qulayliklar yaratishdir.

Investitsion va raqobat muhitini yaxshilash choralari

Endilikda oxirgi kalendar yilida tovarlar (xizmatlar)ni sotishdan tushgan tushumi bazaviy hisoblash miqdorining o‘n ming baravaridan oshmaydigan yuridik shaxslar yoki yakka tartibdagi tadbirkorlar tovar yoki moliya bozorlarida ustun mavqe egallagan deb hisoblanmaydi hamda ularga nisbatan monopoliyaga qarshi choralarni qo‘llanmaydi.

2023 yil 1 yanvardan boshlab Raqobat rivojlanishi indeksini joriy etiladi.

Xususiylashtirish va transformatsiya jarayonlarini tezlashtirish choralari

Hujjatga muvofiq, 2022 yilda “Issiqlik elektr stansiyalari” AJning 51% va undan yuqori miqdordagi aksiyalari, “O‘zbekneftgaz” AJning kamida 49% aksiyalari, UzAuto Motors AJning 10 foizgacha aksiyalari ochiq savdolarga chiqariladi. Joriy yil 1 iyungacha "O‘zbekiston temir yo‘llari" AJning rivojlanish strategiyasi ishlab chiqiladi.

Shuningdek, Uzbekistan Airways va "Issiqlik elektr stansiyalari" AJdagi ulushlarini ham savdoga chiqarishni rejalashtirmoqda. Shu birobarida, "O‘zbekgidroenergo" AJ isloh qilish stategiyasi ham ishlab chiqilmoqda.

Shuningdek, yaqin orada “O‘zbektelekom” AK va “O‘zbekiston pochtasi” AJlarini isloh qilish strategiyalari ham ishlab chiqiladi.


Maqolani ulashing

O'xshash yangiliklar