Ўзбекистон деҳқон бозорларидаги нарх-наво маълум қилинди

Ўзбекистон деҳқон бозорларидаги нарх-наво маълум қилинди

Ўзбекистон Республикаси давлат статистика қўмитасига кўра, юртимиздаги марказий деҳқон бозорларида алоҳида турдаги озиқ-овқат маҳсулотларининг минимал-максимал нархлари (24.03.2020 ҳолати бўйича) қуйидагича:

Мол гўшти (суяксиз гўштидан ташқари) 37 000 сўмдан 60 000 сўмгача (кг)

1 кг мол гўштининг (суяксиз гўштидан ташқари) минимал нархи, Нукус шаҳрининг «Нукус деҳқон бозори»да қайд этилган (37 000 сўм). Мол гўштининг максимал нархи эса, Тошкент шаҳрининг «Олой деҳқон бозори» ва «Миробод деҳқон бозори»да кузатилган (60 000 сўм).

Қўй гўшти 39 000 сўмдан 70 000 сўмгача (кг)

Тошкент шаҳрининг «Қўйлиқ деҳқон бозори» ва «Миробод деҳқон бозори»да (39 000 сўм) рўйхатга олинган. Максимал нархи эса, Тошкент шаҳрининг «Олой деҳқон бозори»да (70 000 сўм) кузатилган.

Картошка 2 500 сўмдан 6 000 сўмгача (кг)

Картошканинг минимал нархи Наманган шаҳрининг «Наманган чорсу деҳқон универсал бозори», Самарқанд шаҳрининг “Сиёб деҳқон бозори", «Дамариқ деҳқон бозори», Тошкент шаҳрининг «Олой деҳқон бозори» ва «Фарҳод деҳқон бозори»да қайд этилган (2 500 сўм). Максимал нархи эса, Тошкент шаҳрининг «Олой деҳқон бозори»да (6 000 сўм) қайд этилган.

Пиёз 1 000 сўмдан 4 000 сўмгача (кг)

Пиёз маҳсулотининг минимал нархи Гулистон шаҳрининг «Гулистон деҳқон бозори»да (1 000 сўм) рўйхатга олинди. Максимал нархи эса, Урганч шаҳрининг «Урганч марказий деҳқон бозори», Тошкент шаҳрининг «Олой деҳқон бозори» ва «Миробод деҳқон бозори»да кузатилган (4 000 сўм).

Сабзи 500 сўмдан 5 000 сўмгача (кг)

Сабзи маҳсулотининг минимал нархи Термиз шаҳрининг «Марказий деҳқон озиқ-овқат бозори»да (500 сўм) қайд этилган. Максимал нархи эса, Тошкент шаҳрининг «Миробод деҳқон бозори»да (5 000 сўм) кузатилган.

Тухум 4 000 сўмдан 10 000 сўмгача (10 дона)

Тухум маҳсулотининг минимал нархи Янгийўл шаҳрининг «Ихтисослашган Янгийўл шаҳар деҳқон бозори», Тошкент шаҳрининг «Қўйлиқ деҳқон бозори»да қайд этилган (10 таси 4 000 сўм). Максимал нархи эса, Тошкент шаҳрининг «Олой деҳқон бозори»да кузатилган (10 000 сўм).

Гуруч 3 800 сўмдан 18 000 сўмгача (кг)

Гуруч маҳсулотининг минимал нархи Нукус шаҳрининг «Нукус деҳқон бозори»да рўйхатга олинган («Нукус» навли гуруч 3 800 сўм). Максимал нарх эса, Тошкент шаҳрининг «Миробод деҳқон бозори»да кузатилди («Лазер» навли гуруч 18 000 сўм).

Ўсимлик ёғи 8 000 сўмдан 13 500 сўмгача (литр)

Ўсимлик ёғи маҳсулотларининг минимал нархи Тошкент шаҳрининг «Қўйлиқ деҳқон бозори»да (маҳаллий пахта ёғи 8 000 сўм) кузатилган. Максимал нархи эса, Чирчиқ шаҳрининг «Чирчиқ шаҳри деҳқон бозори» ҳамда Тошкент шаҳрининг «Эски жўва деҳқон бозори», «Олой деҳқон бозори», «Фарҳод деҳқон бозори», «Қўйлиқ деҳқон бозори» ва «Миробод деҳқон бозори»да (кунгабоқар ёғи 13 500 сўм) қайд этилган.

Шакар 5 500 сўмдан 6 500 сўмгача (кг)

Шакар маҳсулотининг минимал нархи Тошкент шаҳрининг «Фарҳод деҳқон бозори», «Миробод деҳқон бозори», «Эски жўва деҳқон бозори» ва «Қўйлиқ деҳқон бозори»да (5 500 сўм) қайд этилган. Максимал нархи эса, Нукус шаҳрининг «Нукус деҳқон бозори», Андижон шаҳрининг «Янгибозор деҳқон бозори» ва «Андижон шаҳар марказий деҳқон бозори», Бухоро шаҳрининг «Бухоро марказий деҳқон бозори», Жиззах шаҳрининг «Жиззах марказий деҳқон бозори» ва «Эски шаҳар деҳқон бозори», Термиз шаҳрининг «Термиз шаҳар деҳқон озиқ-овқат бозори», «Марказий деҳқон озиқ-овқат бозори» ҳамда Тошкент шаҳрининг «Олой деҳқон бозори»да (6 500 сўм) кузатилган.

Мақолани улашинг

Ўхшаш янгиликлар