“El-yurt umidi” jamg‘armasi 3-ochiq stipendiya tanlovlarini e’lon qildi

“El-yurt umidi” jamg‘armasi 3-ochiq stipendiya tanlovlarini e’lon qildi

“El-yurt umidi” jamg‘armasi 2021 yil 20 iyuldan 272 o‘ringa mo‘ljallangan 3-ochiq stipendiya tanlovlarini e’lon qildi.

Ushbu tanlov mamlakatning innovatsion salohiyatini yanada rivojlantirishni maqsad qilgan kreativ fikrlaydigan yoshlar, iste’dodli professor-o‘qituvchilar, yosh olimlar va ilmiy tadqiqotchilar, pedagoglar va mutaxassislar uchun mo‘ljallangan.

“El-yurt umidi” jamg‘armasi 2021-2022 o‘quv yili uchun nufuzli xorijiy davlatlarda:

- bakalavriat ta’lim dasturi uchun 69 o‘rin;

- magistratura ta’lim dasturi uchun 112 o‘rin;

- doktorantura ta’lim dasturi uchun 91 o‘rin;

-jami 272 o‘rin stipendiyalar ajratishini ma’lum qiladi.

Nomzodlarning hujjatlari 2021 yil 20 iyuldan – 20 avgustga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi.

Saralash bosqichlari 2021 yil 20 avgustdan – 20 sentyabrga qadar davom etadi.

Saralash tanloviga oid barcha ma’lumotlar “El-yurt umidi” jamg‘armasining www.eyuf.uz sayti orqali batafsil e’lon qilib boriladi.

Maqolani ulashing

O'xshash yangiliklar