Infografika: 2016-2020 yillarda O‘zbekiston avtomobilsozlik sanoatiga umumiy sharh

Infografika: 2016-2020 yillarda O‘zbekiston avtomobilsozlik sanoatiga umumiy sharh

Iqtisodiy tadqiqotlar va islohotlar markazi eksperti Musharraf Mir Ahmadova O‘zbekiston avtomobilsozlik sanoatida islohotlarning besh yillik davridagi muhim o‘zgarishlarini tahlil qildi.

2020 yilda avtosanoat sohasida faoliyat yuritadigan korxonalar tomonidan jami 33 718,9 mlrd so‘mlik avtotransport vositalari, treyler va yarim pritseplar ishlab chiqarildi. 2016 yilda ushbu qiymat 4 112,3 mlrd so‘mni tashkil etgan bo‘lib, o‘sish sur’ati 8 barobarni tashkil etdi.

So‘ngi 5 yilda avtomobilsozlik sohasida muhim islohotlar amalga oshirilgan. Xususan, quyidagi yutuqlarga erishildi:

- avtomobillar ishlab chiqarish hajmi 3 barobarga o‘sib, 280 mingtaga yetkazildi;

- avtomobillar xarid qilinishida uzundan uzun navbatda turishlar yo‘qotildi;

- sohaga “halollik vaksinasi” tatbiq etilib, chuqur ildiz otgan korrupsiya amallariga barham berildi;

- sohada raqobatni kuchaytirish maqsadida mamlakatimizga eng yirik jahon brendlaridan Germaniyaning Folksvagen avtomobillari Jizzax viloyatida ishlab chiqarila boshlandi.

O‘zbekiston avtomobilsozlik sohasida quyidagi yutuqlarga erishildi:

- ishlab chiqarish quvvati bosqichma-bosqich o‘sib bormoqda;

- yagona GEM platformasida yangi avtomobil modellarini (Chevrolet Onix va Chevrolet Tracker) ishlab chiqarish loyihasi amalga oshirilmoqda;

- SamAuto QQ MChJ ishlab chiqarish quvvatlarini oshirish maqsadida Yaponiyaning ISUZU hamda ITOCHU kompaniyalaridan to‘g‘ridan-to‘g‘ri investitsiyalar o‘zlashtirildi;

- Xorijiy IT kompaniyalarini jalb qilgan holda 2 ta tarmoq korxonasida “Resurslarini boshqarish tizimi” (SAP S/4 HANA) joriy qilindi;

- UzAuto Motors AJ O‘zbekistonning eng yirik 10 ta soliq to‘lovchilar qatoriga kirdi;

- Boston Consulting Group xalqaro kompaniyasini jalb qilgan holda 2030 yilgacha bo‘lgan davr uchun avtomobil sanoati strategiyasi ishlab chiqildi.

O‘zbekiston avtomobilsozlik sanoatida islohotlarning besh yillik davridagi muhim o‘zgarishlarining sharhini quyida batafsil o‘qishingiz mumkin.


Maqolani ulashing

O'xshash yangiliklar