Инфографика: 2016-2020 йилларда Ўзбекистон автомобилсозлик саноатига умумий шарҳ

Инфографика: 2016-2020 йилларда Ўзбекистон автомобилсозлик саноатига умумий шарҳ

Иқтисодий тадқиқотлар ва ислоҳотлар маркази эксперти Мушарраф Мир Аҳмадова Ўзбекистон автомобилсозлик саноатида ислоҳотларнинг беш йиллик давридаги муҳим ўзгаришларини таҳлил қилди.

2020 йилда автосаноат соҳасида фаолият юритадиган корхоналар томонидан жами 33 718,9 млрд сўмлик автотранспорт воситалари, трейлер ва ярим прицеплар ишлаб чиқарилди. 2016 йилда ушбу қиймат 4 112,3 млрд сўмни ташкил этган бўлиб, ўсиш суръати 8 баробарни ташкил этди.

Сўнги 5 йилда автомобилсозлик соҳасида муҳим ислоҳотлар амалга оширилган. Хусусан, қуйидаги ютуқларга эришилди:

- автомобиллар ишлаб чиқариш ҳажми 3 баробарга ўсиб, 280 мингтага етказилди;

- автомобиллар харид қилинишида узундан узун навбатда туришлар йўқотилди;

- соҳага “ҳалоллик вакцинаси” татбиқ этилиб, чуқур илдиз отган коррупция амалларига барҳам берилди;

- соҳада рақобатни кучайтириш мақсадида мамлакатимизга энг йирик жаҳон брендларидан Германиянинг Фольксваген автомобиллари Жиззах вилоятида ишлаб чиқарила бошланди.

Ўзбекистон автомобилсозлик соҳасида қуйидаги ютуқларга эришилди:

- ишлаб чиқариш қуввати босқичма-босқич ўсиб бормоқда;

- ягона GEM платформасида янги автомобил моделларини (Chevrolet Onix ва Chevrolet Tracker) ишлаб чиқариш лойиҳаси амалга оширилмоқда;

- SamAuto ҚҚ МЧЖ ишлаб чиқариш қувватларини ошириш мақсадида Япониянинг ISUZU ҳамда ITOCHU компанияларидан тўғридан-тўғри инвестициялар ўзлаштирилди;

- Хорижий IT компанияларини жалб қилган ҳолда 2 та тармоқ корхонасида “Ресурсларини бошқариш тизими” (SAP S/4 HANA) жорий қилинди;

- UzAuto Motors АЖ Ўзбекистоннинг энг йирик 10 та солиқ тўловчилар қаторига кирди;

- Boston Consulting Group халқаро компаниясини жалб қилган ҳолда 2030 йилгача бўлган давр учун автомобил саноати стратегияси ишлаб чиқилди.

Ўзбекистон автомобилсозлик саноатида ислоҳотларнинг беш йиллик давридаги муҳим ўзгаришларининг шарҳини қуйида батафсил ўқишингиз мумкин.


Мақолани улашинг

Ўхшаш янгиликлар