2022 yilning yanvar-iyun oylarida viloyatning qishloq, o‘rmon va baliqchilik xo‘jaligi mahsulotlarining umumiy hajmi 9 559,3 mlrd. so‘mni tashkil qildi.
Viloyatda jon boshiga to‘g‘ri keladigan qishloq xo‘jaligi mahsulotlari 3 245,70 ming so‘mni tashkil etib, o‘tgan yilning mos davriga nisbatan 1,2%ga oshgan.
Yalpi qishloq xo‘jalik mahsulotlari yetishtirishning eng yuqori ulushi Yangiqo‘rg‘on tumani(10,4%)ga to‘g‘ri keladi. Namangan shahri (10,1%), Namangan (10,0%) va Pop (9,8%) tumanlarining viloyat yalpi qishloq xo‘jalik mahsulotlaridagi ulushi yuqori ekanligi kuzatildi. Mingbuloq (5,6%) va Kosonsoy (5,1%) tumanlarining qishloq xo‘jalik mahsulotlaridagi ulushi esa past darajada.
Yalpi qishloq xo‘jalik mahsulotlarida tuman(shahar)larning ulushi (%)
2022 yilning 1-yarim yilligida Uychi (6,0%), To‘raqo‘rg‘on (5,1%) va Pop (4,8%) tumanlarida yalpi qishloq xo‘jalik mahsulotlari hajmi o‘tgan yilning mos davriga nisbatan yuqori darajada o‘sgan. Kosonsoy (0,3%) va Mingbuloq (0,2%) tumanlarida yetishtirilgan yalpi qishloq xo‘jalik mahsulotlarida sezilarli o‘sish kuzatilmagan.
Viloyatda yetishtirilgan barcha dehqonchilik mahsulotlari 825 922 tonnani tashkil etib, o‘tgan yilga nisbatan 8%ga oshgan.
2022 yilning yanvar-iyun oylarida barcha toifadagi xo‘jaliklar tomonidan tirik vaznda 73,0 ming tonna go‘sht (2021 yilning mos davriga nisbatan 1,8%ga ko‘p), 332,1 ming tonna sut (4,3%ga ko‘p), 274,1 mln. dona tuxum (0,1%ga ko‘p) yetishtirildi. Shuningdek, 1 158,1 tonna baliq (11,4%ga ko‘p) ovlandi, 931 tonna jun (3,1%ga ko‘p), 2 031,5 tonna pilla (2,1%ga ko‘p) va 242,7 tonna asal (3,9%ga ko‘p) yetishtirildi.
Hisob davrida viloyatda 732 036 bosh qoramol (2021 yil mos oylariga nisbatan 2,0% ko‘p), shu jumladan 237 888 bosh sigir (2,1% ko‘p), 783 614 bosh qo‘y va echki (2,2% ko‘p), 6 642 bosh ot (2,6% ko‘p) va 5 894 849 ta parranda (11,6% ko‘p) yetishtirildi.
Viloyatda fermer xo‘jaliklari soni 7185 tani tashkil etib, fermer xo‘jaliklarining eng katta ulushi Chust (17,0%), Chortoq (14,3%) va Yangiqo‘rg‘on (12,2%) tumanlariga to‘g‘ri keladi. Kam sonli fermer xo‘jaliklari esa Namangan shahar (11 ta), Uychi (391 ta) va Uchqo‘rg‘on (426 ta) tumanlariga to‘g‘ri keladi.
Izoh qoldirish