Iqtisodiy tadqiqotlar va islohotlar markazi o‘zining navbatdagi sharhida joriy yilning aprel oyida mamlakatning ko‘chmas mulk bozorida yuz bergan o‘zgarishlarni tahlil qildi.
O‘zbekiston uy-joy bozoridagi faollik aprel oyida o‘sdi. Shunday qilib, aprel oyida bitimlar soni 11,2 foizga oshib, savdolar 20 mingta bitimni tashkil etdi.
Biroq, aprel oyidagi natija o‘tgan yilgi darajadan past bo‘ldi: yildan yilga sotuvlar hajmi 2%ga kamaydi.
Hududlar bo‘yicha ko‘chmas mulk bozoridagi faollikning eng katta o‘sishi Navoiy va Sirdaryo viloyatlarida 24 va 22,3%ga, shuningdek, Qoraqalpog‘iston Respublikasida 23,5%ga qayd etildi.
Poytaxtning uy-joy bozorida bitimlar soni oy davomida 6,5%ga oshdi.
Aprel oyida poytaxtning ijara bozori yana pasayish dinamikasini ko‘rsatdi. Xarid qilish faolligi 4,6%ga kamaydi va 1 kvadrat metr uy-joy narxi 8,3 dollarni tashkil etdi.
Mirobod, Shayxontohur va Yakkasaroy tumanlarida ijara haqi hali ham yuqori, bu yerda har kvadrat metr uchun o‘rtacha ijara haqi 10,4 dollarni tashkil etadi.
Olmazor, Sergeli va Bektemir tumanlarida nisbatan arzon ijara uy-joylari saqlanib qolmoqda, bu hududlarda o‘rtacha ijara narxi har kvadrat metr uchun 6,3 dollarni tashkil etadi.
Shu bilan birga, o‘tgan yilning aprel oyiga nisbatan Toshkent shahrida ijara bozori 6,9%ga qisqargan. Shunday qilib, narxlarning eng ko‘p pasaygan hududlar Yashnobod 11,6%, Yakkasaroy 11,1% va Shayxontohur 10,5% bo‘ldi.
Aprel oyida ikkilamchi uy-joy narxi 0,7%ga biroz pasaydi, yillik ko‘rsatkichlarda esa ikkilamchi uy-joy narxi 11,6%ga oshdi.
Ikkilamchi uy-joy narxlarining eng yuqori o‘sishi qayd etilgan hududlar Toshkent – 23,6%, Buxoro – 21,3% va Xorazm-20,5% viloyatlari bo‘ldi.
O‘z navbatida, poytaxtda ikkilamchi uy-joy narxlarining o‘sishi tezlashdi. Mart oyida Toshkent shahrida ikkilamchi uy-joylarning o‘rtacha narxi atigi 0,2%ga oshgan bo‘lsa, aprel oyida mos ravishda 1,1%ga oshgan.
Narx o‘sishining eng yuqori sur’atlari Bektemir – 3,8%, Yakkasaroy – 3,6% va Chilonzor – 3,1% tumanlarida qayd etildi.
Ikkilamchi bozorda narx parametrlari
Umuman olganda, yil davomida Toshkent shahrida ikkilamchi uy-joylarning o‘rtacha narxi qariyb 13%ga oshdi.
Jaloliddin Usmonov,
Iqtisodiy tadqiqotlar va islohotlar markazi
Jamoatchilik bilan aloqalar bo‘limi
tel: (78) 150 02 02 (417)
Izoh qoldirish