1995 йилга қадар Ўзбекистонга кириб келганларга фуқаролик берилади
Чет давлат фуқаролигини қабул қилмаган шахслар ўз истаклари билан Ўзбекистон фуқаролигини олиши мумкин.
“Ўзбекистон Республикасининг фуқаролиги тўғрисида”ги Қонун Президент томонидан имзоланди.
Қонунга мувофиқ, 1995 йил 1 январга қадар Ўзбекистон ҳудудига кириб келган ва доимий пропискадан ўтган, чет давлат фуқаролигини қабул қилмаган ҳамда мазкур Қонун кучга киргунига қадар фуқаролиги бўлмаган шахсга Ўзбекистонда яшаш гувоҳномаси асосида яшаб турган шахс истак билдирган тақдирда, Ўзбекистон фуқароси деб тан олинади.
Қонун билан Президент ҳузуридаги Фуқаролик масалалари бўйича комиссиянинг мақоми, асосий вазифалари ва ваколатлари белгиланди.
Жумладан, Комиссия Ўзбекистон фуқаролиги масалаларига оид илтимосномаларни кўриб чиқади, Президентга ушбу масалалар юзасидан таклифлар киритади.
Қонунга кўра, Ўзбекистон фуқаролиги масалаларини кўриб чиқишда идоралараро электрон ҳамкорлик шакллантирилади.
Ушбу Қонун расмий эълон қилинган кундан эътиборан 6 ой ўтгач кучга киради.
Қонуннинг айрим моддалари ва бандлари 2020 йил 1 апрелдан эътиборан амалга киритилади.
Ҳисоб-китобларга кўра, 50 мингга яқин юртдошларимизнинг расман Ўзбекистон фуқароси бўлиш имконияти туғилган.
Изоҳ қолдириш