“Республика аэропортларини бошқариш соҳасида давлат-хусусий шерикликни ривожлантириш чора-тадбирлари тўғрисида”ги Президент қарори (ПҚ–5042-сон, 29.03.2021 й.) қабул қилинди, деб хабар бермоқда Адлия вазирлиги.
Қарорга мувофиқ, республика аэропортлари давлат-хусусий шериклик асосида реконструкция, модернизация, эксплуатация қилинади.
Бунда тегишли ишларни бажариш учун уч йилга қуйидаги имтиёзлар берилади:
- хусусий шериклар олиб кириладиган транспортлар, йўл-қурилиш техникаси, машиналар, механизмлар, ускуналар, хомашё, материаллар, эҳтиёт қисмлар, бутловчи буюмлар, узеллар, технологик ва лойиҳа ҳужжатлари, дастурий таъминот, жиҳозлар божхона божидан;
- транспортлар ва махсус техника учун утилизация йиғимидан озод қилинади;
- хусусий шериклар ва аэропортлар фойда солиғини, шу жумладан дивиденд тўлашда ушлаб қолинадиган фойда солиғини белгиланган ставканинг 50 фоизи миқдорида тўлайди;
- аэропортлар учун мол-мулк солиғининг белгиланган ставкаси 50 фоизга камайтирилади.
Изоҳ қолдириш