Марказий банк 15 та тижорат банкини жазолади
Бунга сабаб ушбу банкларнинг айрим бўлимларида ходимлар асоссиз равишда пластик карталари орқали мижозлар тўловларини қабул қилишдан бош тортган.
Марказий банк 15 та тижорат банкларига нисбатан санкция эълон қилди. Бу ҳақда Марказий банк матбуот хизмати хабар берди.
Бунга сабаб ушбу банкларнинг айрим бўлимларида ходимлар асоссиз равишда пластик карталари орқали мижозлар тўловларини қабул қилишдан бош тортиб, терминаллардан фойдаланмаганликлари ва карталардаги маблағларни нақдлаштириб бермаганликлари бўлди.
Шу сабабга кўра, «Агробанк», «Халқ банки», «Микрокредитбанк», «Миллий банк», «Ўзсаноатқурилишбанк», «Ипотека-банк», «Ҳамкорбанк», «Қишлоқ қурилиш банк», «Асака банк», «Алоқабанк», «Туронбанк», «Трастбанк», «Ипак йўли банки», «Даврбанк» ва «Инфинбанк» каби банкларга нисбатан жарима санкциялари қўлланилди.
Марказий банк тижорат банкларини келгусида шу каби қоидабузарликларга йўл қўйган банк ходимларига нисбатан эгаллаб турган лавозимидан четлатишгача бўлган жазо чоралари қўлланилишини талаб этиши тўғрисида огоҳлантирди.
Изоҳ қолдириш