Ўзбекистонда бензиндан кейин дизель ёқилғиси нархида ҳам "қулаш" кузатилди

Ўзбекистонда бензиндан кейин дизель ёқилғиси нархида ҳам

2020 йилнинг 1 март кунидан бошлаб “Ўзбекнефтгаз” АЖнинг “UNG” миллий бренди остидаги ёқилғи қуйиш шохобчалари тармоғида дизель ёнилғисининг нархи 200 сўмга камайтирилган эди.

"3 апрель кунидан эътиборан, дизельёнилғиси нархи 300 сўмга арзонлаштирилган ҳолда сотувга чиқарилади. Гувоҳи бўлаётганингиздек, дизель ёнилғисининг нархи бир ой вақт давомида 500 сўмга пасайди", дейилади "Ўзбекнефтгаз" АЖ матбуот хизмати хабарида.

“Ўзбекнефтгаз” ёқилғи қуйиш шохобчалари тармоғи орқали сотиладиган дизель ёқилғисининг нархи хорижий компаниялар томонидан сотилаётган дизель ёқилғиси нархидан 11,5% арзонлиги таъкидланмоқда.

"Биз доимий равишда аҳолига сотилаётган маҳсулот таннархини мунтазам ўрганамиз ва таҳлил қиламиз", дейди “Ўзбекнефтгаз” АЖга қарашли “UNG Petro” директори Мирзоҳид Мусаев.

“Ўзбекнефтгаз” АЖ нархларни босқичма-босқич камайтириб боришда давом этишини билдирган.

Мақолани улашинг

Ўхшаш янгиликлар