Тожикистондаги зилзила Ўзбекистон ҳудудида ҳам сезилди
Тожикистонда юз берган зилзила Ўзбекистоннинг 8 та ҳудудида ҳам сезилган.
ФВВ Сейсмопрогностик мониторинг Республика марказининг хабар қилишича 16 июнь куни Тошкент вақти билан 06:30 да (16.06.2020 йил, Гринвич бўйича 01:30 да) Тожикистонда зилзила содир бўлди.
Зилзила координаталари: 37,85 градус шимолий кенглик; 72,18 градус шарқий узунлик. Магнитуда М=5,5. Чуқурлик 112 км. Зилзила эпицентридан Тошкентгача масофа 457 км жанубий-шарқий йўналиш бўйича.
Зилзила Ўзбекистон ҳудудида:
- Тошкент: 457 км, 2 балл.
- Наманган: 353 км, 3 балл.
- Aндижон: 326 км, 3 балл.
- Фарғона: 284 км, 3 балл.
- Гулистон: 414 км, 3 балл.
- Жиззах: 452 км, 2 балл.
- Самарқанд: 495 км, 2 балл.
- Бухоро: 705 км, 2 балл.
- Термиз: 438 км, 2 балл.
- Қарши: 568 км, 2 балл.
- Навоий: 638 км, 2 балл.
Ўзбекистоннинг бошқа ҳудудларида ер силкиниши қайд этилмади. Талофатлар ва жабрланганлар тўғрисида маълумот келиб тушмаган.
Изоҳ қолдириш