UzAuto Motors Украина бозорида учта моделни сотишни йўлга қўйди
Chevrolet автомобилларининг Украинадаги сотуви ва хизмат кўрсатишини расмий дистрибютор бошқаради.
General Motors билан альянс шартномаси доирасида UzAuto Motors Chevrolet оммавий бозорида сотиладиган транспорт воситаларини Украинада сотишни бошлади. Бу ҳақда компания матбуот хизмати маълум қилди.
Компания Украина бозорида учта моделни намойиш этди - машҳур А-классли Chevrolet Spark модели ва Б классли Chevrolet Cobalt ва Nexia седанлари.
Chevrolet автомобилларининг Украинадаги сотуви ва хизмат кўрсатишини бутун мамлакат бўйлаб дилерлик тармоғини ривожлантиришни режалаштирган расмий дистрибютори бошқаради.
Chevrolet автомобилларининг Украинада, шу жумладан Каршеринг хизматлари орасида машҳурлигини инобатга олган ҳолда, дистрибютор савдо-сотиқ ҳажмини ошириш ва Украина бозоридаги ўрнини мустаҳкамлаш бўйича мунтазам иш олиб боришни режалаштирмоқда.
Изоҳ қолдириш