“Ўзсаноатқурилишбанк” евробонд чиқаришга тайёргарлик кўрмоқда
“Ўзсаноатқурилишбанк” доллардаги евробонд чиқариш учун road show ўтказмоқда. Бу ҳақда Cbonds.ru нашрига таяниб, spot.uz хабар бермоқда.
“Ўзсаноатқурилишбанк” доллардаги евробонд чиқариш учун road show ўтказмоқда. Бу ҳақда Cbonds.ru нашрига таяниб, spot.uz хабар бермоқда.
Бондлар 5 йилга мўлжаллаб чиқарилмоқда. Потенциал инвесторлар билан учрашувлар 18 – 20 ноябр кунлари Цюрих, Франкфурт ва Лондонда ўтказилиши режалаштирилган. SQBнинг бондларини Қўшма штатларнинг Citi, JPMorgan ҳамда Германиянинг Commerzbank ва Райффайзенбанклари Лондон биржасига жойлаштиради.
Мутахассис ушбу жараёнга қуйидагича муносабат билдирди: “Ўзбекистон 5 йиллик Евробондларни нисбатан жуда баланд 4,75% дан жойлаштирган. Чунки бизга берилган суверен рейтинг билан бондларимиз "junk" (спекулятив) тоифасини олган. Банкларимиз евробондларини бундан хам юқори ставкада жойлаштиришга тўғри келади”.
Бундан ташқари, даромадлилиги 5,375% бўлган 10 йиллик эвробондларимиз ҳам ҳозир 110 доллардан сотилмоқда, уларнинг даромадлилиги эса 4%гача тушиб кетган.
Шунингдек, Ўзбекистоннинг нефт-газ давлат консерни “Ўзбекнефтегаз” ҳам келгуси йилда қиймати 1 млрд. доллар бўлган евробонд чиқаришини маълум қилган эди.
Изоҳ қолдириш