“O‘zsanoatqurilishbank” dollardagi yevrobond chiqarish uchun road show o‘tkazmoqda. Bu haqda Cbonds.ru nashriga tayanib, spot.uz xabar bermoqda.
Bondlar 5 yilga mo‘ljallab chiqarilmoqda. Potensial investorlar bilan uchrashuvlar 18 – 20 noyabr kunlari Syurix, Frankfurt va Londonda o‘tkazilishi rejalashtirilgan. SQBning bondlarini Qo‘shma shtatlarning Citi, JPMorgan hamda Germaniyaning Commerzbank va Rayffayzenbanklari London birjasiga joylashtiradi.
Mutaxassis ushbu jarayonga quyidagicha munosabat bildirdi: “O‘zbekiston 5 yillik Yevrobondlarni nisbatan juda baland 4,75% dan joylashtirgan. Chunki bizga berilgan suveren reyting bilan bondlarimiz "junk" (spekulyativ) toifasini olgan. Banklarimiz yevrobondlarini bundan xam yuqori stavkada joylashtirishga to‘g‘ri keladi”.
Bundan tashqari, daromadliligi 5,375% bo‘lgan 10 yillik evrobondlarimiz ham hozir 110 dollardan sotilmoqda, ularning daromadliligi esa 4%gacha tushib ketgan.
Shuningdek, O‘zbekistonning neft-gaz davlat konserni “O‘zbekneftegaz” ham kelgusi yilda qiymati 1 mlrd. dollar bo‘lgan yevrobond chiqarishini ma’lum qilgan edi.
Izoh qoldirish