Иқтисодий тадқиқотлар ва ислоҳотлар маркази томонидан тайёрланган инфографикада 2025 йил январь-март ойидаги ЕОИИ билан иқтисодий ҳамкорлик натижалари келтирилган.
Ўзбекистон Республикасининг Евроосиё иқтисодий иттифоқига аъзо давлатлар билан жорий йилнинг январь-март ойларидаги ташқи савдо айланмаси 3,9 млрд.долларни ташкил қилди.
Шундан экспорт ҳажми 1,3 млрд. доллар, импорт ҳажми эса 2,6 млрд.доллар.ни ташкил этди.
Ўзбекистоннинг умумий ташқи савдо айланмасида ЕОИИ давлатларининг улуши 22,8%ни ташкил этди.
2025 йил январь-март ойларида Ўзбекистоннинг ЕОИИ давлатлари билан ташқи савдо ҳажмидаги улуши:
Россия билан ташқи савдо айланмаси 2,6 млрд. долларни (Ўзбекистоннинг ЕОИИ мамлакатлари билан ташқи савдо айланмасининг 66%и) ташкил этди. Шундан:
Қозоғистон билан ташқи савдо айланмаси 9,4%га ўсди ва 1 млрд. долларни (26%) ташкил этди. Шундан:
Қирғизистон билан ташқи савдо айланмаси 0,9%га ўсди ва 156 млн. долларни (4%) ташкил этди. Шундан:
Беларусь билан ташқи савдо айланмаси 23,4%га ўсди ва 174 млн. долларни (4%) ташкил этди. Шундан:
Ўзбекистон 2020 йилнинг декабрида Евроосиё иқтисодий иттифоқида кузатувчи мақомини олди. Таъкидлаш жоизки, ЕОИИ мамлакатлари Ўзбекистоннинг асосий савдо-иқтисодий шерикларидан бири ҳисобланади. Шу муносабат билан ЕОИИда кузатувчи мақоми Ўзбекистонга ЕОИИнинг умумий бозори қоидаларини ҳисобга олган ҳолда улар билан иқтисодий ҳамкорликни кенгайтириш имконини беради.
2023 йилда Ўзбекистоннинг Евроосиё иқтисодий иттифоқи билан савдо айланмаси 15,9 миллиард долларни ташкил этди. Ўзбекистоннинг умумий товар айланмасида ЕОИИ мамлакатларининг улуши 25,4 фоизни ташкил этди.
2022 йилда Ўзбекистоннинг Евроосиё иқтисодий иттифоқи билан савдо айланмаси 15,7 миллиард долларни ташкил этди. Ўзбекистоннинг умумий товар айланмасида ЕОИИ мамлакатларининг улуши 31,4 фоизни ташкил этди.
2021 йилда Ўзбекистоннинг Евроосиё иқтисодий иттифоқи билан савдо айланмаси 12,8 миллиард долларни ташкил этди. Ўзбекистоннинг умумий товар айланмасида ЕОИИ мамлакатларининг улуши 30,4 фоизни ташкил этди.
2020 йилда Ўзбекистоннинг Евроосиё иқтисодий иттифоқи билан савдо айланмаси 9,83 миллиард долларни ташкил этди. Ўзбекистоннинг умумий товар айланмасида ЕОИИ мамлакатларининг улуши 27,1 фоизни ташкил этди.
2019 йилда Ўзбекистоннинг Евроосиё иқтисодий иттифоқи билан савдо айланмаси 11,2 миллиард долларни ташкил этди. Ўзбекистон савдо айланмасининг умумий ҳажмида ЕОИИ мамлакатларининг улуши 26,5 фоизни ташкил эди.
Ўзбекистон 2019 йилда умумий қиймати 9,42 миллиард долларлик маҳсулот экспорт қилди, шундан 2,83 миллиард долларлик маҳсулот ЕОИИ ҳудудига етказиб берилди.
Анъанага кўра, Ўзбекистон тўқимачилик, металлургия ва кимё саноати маҳсулотлари, шунингдек, озиқ-овқат, биринчи навбатда, мева-сабзавот маҳсулотларини экспорт қилади. Республикада қурилиш материаллари, ёғочни қайта ишлаш ва кимё саноати маҳсулотлари, шунингдек, қайта ишланган озиқ-овқат маҳсулотлари, жумладан, сут ва гўшт маҳсулотлари ЕОИИдан олинади.
ЕОИИга янада интеграциялашган ҳолда Ўзбекистон ташқи бозорларга чиқишда, хусусан Вьетнам, Эрон, Сербия ва Сингапур билан савдо қилишда янада қулай шароитларга эга бўлади.
Аввал хабар қилинганидек, Иқтисодий тадқиқотлар ва ислоҳотлар марказига Ўзбекистоннинг ЕОИИда иштирок этиши мумкинлигини текшириш ва дастлабки баҳо бериш вазифаси юклатилди.
Ўзбекистоннинг ЕОИИга аъзо бўлишига таъсирини баҳолаш бўйича тадқиқот мамлакатнинг 14 та университетларида тақдим этилди. Тадқиқот натижалари «Экономическое обозрение» журналининг сайтида чоп этилган бўлиб, унда ушбу тадқиқотга оид инфографика ва таҳлилий мақолалар жойлаштирилган.
Хусусан, Иқтисодий тадқиқотлар ва ислоҳотлар маркази экспертлари ЕОИИга қўшилиш қишлоқ хўжалиги, транспорт соҳаси, автомобил саноати, тўқимачилик ва пойабзал саноати, фармацевтика саноати, шунингдек, бизнес фойдалари ва бошқа соҳаларга қандай таъсири кўрсатиши ҳақида сўзлаб берди.
Изоҳ қолдириш