Хорижда коронавирус юқтирган ўзбекистонликлар сони ошди

Хорижда коронавирус юқтирган ўзбекистонликлар сони ошди

Хорижий мамлакатларда бўлиб турган 73 нафар Ўзбекистон фуқаросида коронавирус инфекцияси аниқланган. Бу ҳақда 18 апрель куни АОКАда ўтказилган брифингда Ўзбекистон Ташқи ишлар вазирлиги матбуот котиби Авазбек Ҳожиматов маълум қилди.

18 апрель ҳолатига ТИВ оператив штабида мавжуд маълумотларга кўра, Австрия, Арманистон, АҚШ, БАА, Греция, Исроил, Корея, Покистон, Россия, Таиланд, Туркия, Япония ва Қозоғистонда бўлиб турган 73 нафар Ўзбекистон фуқаросида коронавирус инфекцияси аниқланган.

"Келтирилган давлатлардаги дипломатик ваколатхоналаримиз бемор ватандошларимиз ва уларнинг яқинлари билан мунтазам алоқада бўлиб турибди. Шу билан бирга зарурий консуллик ҳуқуқий ёрдам ҳам кўрсатишяпти", деди Авазбек Ҳожиматов.

ТИВ матбуот котиби ўз чиқишида хориждаги ватандошларни коронавирус қарши кураш бўйича маҳаллий маъмурият талабларига тўлиқ риоя этиш, жамоавий тадбирларда қатнашмаслик, гавжум жойларга ташриф буюрмаслик ва барча эҳтиёт чораларини кўришга чақирди.

Мақолани улашинг

Ўхшаш янгиликлар