Bank-moliya akademiyasi O‘zmilliybank tasarrufiga o‘tkazildi
“Bank-moliya sohasida kadrlar tayyorlash tizimini takomillashtirish chora-tadbirlari to‘g‘risida” Prezident qarori qabul qilindi.
“Bank-moliya sohasida kadrlar tayyorlash tizimini takomillashtirish chora-tadbirlari to‘g‘risida” Prezident qarori (PQ-4503-son, 31.10.2019 y.) qabul qilindi.
Qarorga muvofiq, Bank-moliya akademiyasi O‘zmilliybank tasarrufiga o‘tkazilib, u Akademiyaning ta’sischisi etib belgilandi.
2018 va 2019 yillarda Akademiya magistraturasiga qabul qilingan shaxslar uchun magistratura mutaxassisliklari bo‘yicha amaldagi ta’lim dasturlarini, shuningdek, Akademiyaning sarf-xarajatlarini magistraturada davlat granti asosida ta’lim olayotgan shaxslarning o‘qishi tugagunga qadar Davlat byudjeti mablag‘lari hisobidan moliyalashtirish tartibi saqlab qolinadi.
Shuningdek, qarorga ko‘ra 2020 yilning 1 fevraliga qadar 2020-2025 yillarda Akademiyani rivojlantirish konsepsiyasi ishlab chiqiladi.
Ma’lumot uchun, Bank-moliya akademiyasi Prezidentning 1996 yil 2 maydagi PF-1460-son Farmoniga asosan tashkil etilgan bo‘lib, bank, moliya, soliq tizimlari va iqtisodiyotning real sektori tarmoqlarining boshqaruv kadrlarini tayyorlash, qayta tayyorlash va ularning malakasini oshirish, oliy malakali ilmiy va ilmiy-pedagog kadrlar tayyorlash bo‘yicha, shuningdek ko‘rsatib o‘tilgan sohalarda ilmiy-tadqiqot faoliyatini amalga oshiruvchi davlat oliy ta’lim muassasasi hisoblanadi.
Izoh qoldirish