Iqtisodiy tadqiqotlar va islohotlar markazi joriy yilning yanvar-avgust oylari davomida O‘zbekistonning Markaziy Osiyo davlatlari bilan savdo aylanmasida yuz bergan o‘zgarishlar haqida ma’lumot berdi.
Markaziy Osiyo davlatlarining tashqi savdodagi ulushi 3,9 mlrd dollarni tashkil etib, 15,4 foizga ko‘paydi.
2021 yilning yanvar-avgust oylari yakuni bilan O‘zbekistoning Qozog‘iston bilan tashqi savdo aylanmasi 2 482,7 mln. dollarni tashkil etib, eksport hajmi 736,7 mln. dollarga, import hajmi esa 1 746,0 mln dollarga yetdi.
Qirg‘iziston bilan tashqi savdo aylanmasi 598,9 mln. dollarni tashkil etib, eksport hajmi 490,2 mln. dollarga, import hajmi esa 108,7 mln dollarga yetdi.
Turkmaniston bilan tashqi savdo aylanmasi 418,1 mln. dollarni tashkil etib, eksport hajmi 120,5 mln. dollarga, import hajmi esa 297,6 mln dollarga yetdi.
Tojikiston bilan tashqi savdo aylanmasi 352,9 mln. dollarni tashkil etib, eksport hajmi 293,0 mln. dollarga, import hajmi esa 59,8 mln dollarga yetdi.
Izoh qoldirish