Jarimani o‘z vaqtida to‘laganlarga chegirma beriladi
Ma’muriy huquqbuzarlik sodir etganlik uchun sud tomonidan jarima solinganda chegirma amal qilmaydi.
Huquqbuzar unga jarima solish to‘g‘risidagi qaror topshirilgan kundan boshlab 15 kun ichida jarima miqdorining 70 foizini ixtiyoriy ravishda to‘lagan taqdirda, u jarimaning qolgan qismini to‘lashdan ozod qilinadi.
Ushbu qoida quyidagi hollarda qo‘llanilmaydi:
- ma’muriy huquqbuzarlik sodir etganlik uchun sud tomonidan jarima solinganda;
- jarima solish to‘g‘risidagi qaror ustidan shikoyat qilinganda yoki protest bildirilganda;
- xuddi shunday huquqbuzarlik ma’muriy jazo chorasi qo‘llanilganidan keyin 1 yil davomida takror sodir etilganda.
Izoh qoldirish