Prezident Shavkat Mirziyoyevning Konstitutsiyaviy komissiya a’zolari bilan uchrashuvidagi ma’ruzasining lingvistik tahlili

Prezident Shavkat Mirziyoyevning Konstitutsiyaviy komissiya a’zolari bilan uchrashuvidagi ma’ruzasining lingvistik tahlili

Davlat rahbarih o‘z nutqida yangilanayotgan Konstitutsiyamiz, avvalambor, xalqimiz, jamiyatimiz va davlatimizning kelajagi va taraqqiyoti uchun xizmat qilishini ta’kidladi.

Shu bilan birga, Prezident yangi qomusimizning to‘rtta ustuvor yo‘nalishi bo‘yicha o‘z takliflarini ilgari surdi.

Tahlil natijasiga ko‘ra qo‘yidagilar aniqlandi:

Prezident o‘z ma’ruzasida jami 5674 ta so‘zlardan foydalandi va ularning ichida eng ko‘p ishlatilangan so‘zlar: “Konstitutsiya” – 106 marta, “Davlat” – 75 marta, “Inson” – 54 marta, “Huquq” – 42 marta ishlatilgan bo‘lsa, “Fuqaro”, “Qonun”, “Taklif”, “Yangi”, “Hayot” kabi so‘zlari esa 30 martadan ko‘proq ishlatilgan.

"Jamiyat", "Mustahkam", "Islohot", "Oila", "O‘zbekiston", "Erkin", "Ijtimoiy", "Norma", "Shaxslar" so‘zlari 20 martadan ko‘proq ishlatilgan.

Davlat rahbarining ma’ruzalarida ishlatilgan so‘zlariga e’tibor qaratar ekanmiz, bugungi kundagi islohotlarning asosiy tamoyili bo‘lmish “Inson-Jamiyat-Davlat” degan yondashuviga ko‘proq urg‘u berilganiga guvoh bo‘lishimiz mumkin.

Prezident xalqimizga murojaat qilib, konstitutsiyaviy islohot jarayonida yanada faol qatnashishga chaqirdi.

– Betakror yurtimizda barqaror jamiyatni va bardavom taraqqiyotni ta’minlash – barchamizning bosh maqsadimizdir! Men butun xalqimizni ana shu buyuk maqsadga erishishda o‘zaro birdamlikka va hamjihatlikka chaqiraman, – deya ta’kidladi Shavkat Mirziyoyev.

Uchrashuv samimiy muloqot tarzida davom etdi. Konstitutsiyaviy komissiya a’zolari so‘zga chiqib, aholining takliflari, islohotlar zarurati haqida o‘z fikrlarini bildirdi.

Baxtiyor Ismailov,
Iqtisodiy tadqiqotlar va islohotlar markazi

Maqolani ulashing

O'xshash yangiliklar