Жорий йилнинг 25 август куни Брюссель халқаро пресс-клуби томонидан "Ўзбекистон ҳақида энг яхши мақола" учун халқаро пресс-клублар тармоғига аъзо бўлган европалик журналистлар ўртасида янги танлов эълон қилинди.
Ушбу лойиҳа Иқтисодий тадқиқотлар ва ислоҳотлар маркази (ИТИМ) томонидан Ўзбекистон Республикасининг Бельгия Қироллигидаги элчихонаси кўмагида ташкил этилди.
Aввал хабар қилинганидек, жорий йилнинг 17-21 февраль кунлари Ўзбекистон Республикасининг ҳукумат делегацияси Брюссель шаҳрига (Бельгия) ташриф буюриб, ташриф якунлари бўйича Иқтисодий тадқиқотлар ва ислоҳотлар маркази раҳбарияти Брюссель халқаро пресс-клуби билан халқаро майдонда Ўзбекистоннинг обрў - эътиборини оширишга кўмаклашиш бўйича келишувга эришди. Хусусан, Европа журналистлари – халқаро пресс-клублар тармоғи аъзолари ўртасида танловни амалга ошириш таклиф этилди.
Маълумот учун: Брюссел халқаро пресс клуби 2010 йилда Брюсселда жойлашган халқаро журналистлар ташаббуси билан ташкил этилган. У Халқаро пресс-клублари ассоциацияси раиси. 1000 дан ортиқ журналистни бирлаштиради.
Танловдан кўзланган мақсад халқаро майдонда Ўзбекистон обрўсини юксалтиришдир.
Лойиҳада дунё ҳамжамиятига Ўзбекистон тўғрисида ишончли маълумотлар тақдим этилиши, амалга оширилаётган ижтимоий-иқтисодий ислоҳотлар, инвесторларни қўллаб-қувватлаш чоралари, интеграция жараёнларини ривожлантириш, инқироз даврида бизнесни қўллаб-қувватлаш, тўқимачилик сектори ва Ўзбекистоннинг туризм соҳасидаги ижобий имиджи тақдим этилган.
Европа оммавий ахборот воситаларида (Европа Иттифоқининг 27 мамлакати, Буюк Британия, Швейцария ва Норвегия) ишлайдиган журналистлар иштирок этиши мумкин. 1 августдан 15 октябргача интернетда, газеталарда ёки журналларда чоп этилган мақолалар иштирок этиш ҳуқуқига эга. Булар алоҳида мақола ёки бир мавзуга бағишланган мақолалар туркумидан иборат бўлиши мумкин. Мазкур талаб телевидение ва радио каби оммавий ахборот воситаларида тайёрланган материалларга ҳам таалуқли.
Мақоланинг асл нусхасини secretary@pressclub.be почтаси орқали 2020 йил 15 октябргача инглиз тилида юбориш мумкин. Aгар мақола инглиз тилида ёзилмаган бўлса, муаллиф таржима сифати учун жавобгардир.
Мустақил ҳакамлар ҳайъати баҳолаш мезони сифатида материалнинг объектив ёритилганлигига катта эътибор қаратади. Унда: фактларни текшириш, таклиф ва рақамларни ёритишдаги аниқлик, шахсларнинг холис баҳоларига асосланган ҳикояларнинг қизиқарлиги ва албатта, ўқувчида Ўзбекистонга қизиқиш уйғота оладиган мавзуларни ўзига хос услубда ёритилганлиги.
Aризаларни топшириш муддати: 2020 йил 1 август - 15 октябрга қадар. Мукофот: 2 000 евро.
Ҳакамлар ҳайъати пресс-клуб аъзолари таркибидаги таниқли журналистлар, экспертлар бўлиб, улар танлов ғолибига мукофотни белгилайди.
Ўз навбатида, Иқтисодий тадқиқотлар ва ислоҳотлар маркази материалларни тайёрлашда Европа журналистларига Марказ тадқиқотларини тақдим этиш орқали ахборот ёрдамини тақдим этишга тайёр.
Ўзбекистон Республикаси Президенти администрацияси ҳузуридаги Иқтисодий тадқиқотлар ва ислоҳотлар марказининг
Жамоатчилик билан алоқалар хизмати
Изоҳ қолдириш