Ўзбекистон 2020 йилда қайси автомобилни кўп ишлаб чиқарган
Давлат статистика қўмитаси 2020 йилнинг январь-декабрь ойларида ишлаб чиқарилган автомобиллар бўйича маълумот берди.
Давлат статистика қўмитаси 2020 йилнинг январь-декабрь ойларида ишлаб чиқарилган автомобиллар ҳақида маълумот берди. Унга кўра, 2020 йил январь-декабрь ойлари давомида автомобил саноатида энг кўп ишлаб чиқарилган машина «Кобалт» (79 минг 908 дона), кейинги ўринларда «Нексия Т-250» ( 66 минг 402 дона), «Дамас» (51 минг 692 дона), «Ласетти-Жентра» (50 минг 52 дона) ва «Спарк» (23 минг 3 дона) қайд этилган.
Президент иштирокида машинасозлик саноатини ривожлантириш масалалари кўриб чиқилган йиғилишда ҳамёнбоп автомашина ва электромобиллар ишлаб чиқаришга инвестиция киритиш зарурати ҳақида таъкидланган эди.
Жиззахда Хитойнинг йирик "DONG FENG" ва "CHANGAN" автомобил ишлаб чиқарувчи компаниялари билан ҳамкорликда кроссовер "DONG FENG" ва “New Star Truck” автомобилларини ишлаб чиқаришни йўлга қўйиш режалаштирилмоқда.
Мамлакатимизда «UzAuto Motors» ҳамда яна етита компания томонидан турли русумдаги янги автомобиллар ишлаб чиқарилиши кўзда тутилмоқда. Бу ҳақда Президентнинг 2021-2023 йилларга мўлжалланган Инвестиция дастурида сўз борган.
Изоҳ қолдириш