Ушбу даврда Бухоро вилояти ЯҲМ ҳажми 53 232,3 млрд. сўмни ташкил этган холда ўтган йилнинг мос даврига нисбатан 105,2% га ўсган, шунингдек ЯИМ таркибида вилоятнинг ҳиссаси 5,0% ни ташкил этган. Аҳоли жон бошига тўғри келадиган ЯҲМ ҳажми эса 26,3 млн сўмни ташкил қилган ҳолда ўтган йилнинг мос даврига нисбатан 103,4% га ошган.
Ҳудуд иқтисодиётининг барча тармоқларида яратилган ялпи қўшилган қиймат ҳажми ЯҲМнинг 96,1%ини ташкил этган бўлса, махсулотларга соф солиқлар эса 3,9%ини ташкил этган.
ЯҲМнинг тармоқлар бўйича таркибида саноат улуши қурилишни қўшган ҳолда 26,4% (2022 йилда 26,3%), қишлоқ хўжалиги улуши 43,4% (2022 йилда 44,1%) ва хизмат кўрсатиш улуши 30,2% (2022 йилда 26,3%) ни ташкил қилган.
Мамлакат макроиқтисодий кўрсаткичларининг шаклланишида вилоятнинг ҳиссаси анчайин аҳамиятли ҳисобланади. ЯИМда вилоятнинг ҳиссаси 5,0%ни ташкил этиб ҳуддудлар ичида 8-ўрин, республика саноат маҳсулотлари ишлаб чиқаришдаги ҳиссаси 5,0%ни ташкил этиб 6-ўрин, асосий капиталга инвестициялар киритиш 8,9%ни ташкил этиб 3-ўринни эгаллаган.
Вилоят аҳоли жон бошига асосий иқтисодий кўрсаткичларни ҳисоблаганда республика бўйича ўртача кўрсаткичларидан юқори. Жумладан, аҳоли жон бошига ЯҲМ ҳажми, хизматлар соҳаси, асосий капиталга киритилган инвестициялар соҳалари бўйича ҳудудлар ичида 4-ўринни эгаллаб турганлиги ҳудуд иқтисодиётининг нақадар аҳамиятли эканлагини билдиради.
Шуҳратжон Хонқулов
Иқтисодий тадқиқотлар ва ислоҳотлар маркази
Изоҳ қолдириш