Chevrolet Onix автомобили қачон чиқади?

Chevrolet Onix автомобили қачон чиқади?

UzAuto Motors Сhevrolet Onix автомобилининг қачон ишлаб чиқарилиши тўғрисида маълумот берди.

Компаниянинг маълум қилишича, жорий йилнинг август ойида Сhevrolet Onix ва Chevrolet Traker 2 автомобилларини ишлаб чиқаришни йўлга қўйиш учун Асакадаги заводда зарурий ишлар олиб борилган.

Сhevrolet Onix автомобилининг биринчи партияси ишлаб чиқарилгандан сўнг, олти ойлик синов муддатидан ўтиши керак. Автомобиллар турли хил иқлим шароитида, ҳар хил йўлларда синовдан ўтказилади. Onix автомобилларини серияли ишлаб чиқариш фақат тўлиқ тестдан ўтгандан кейингина бошланади.

"Сhevrolet Onix автомобили сотуви 2022 йил охири, 2023 йил бошида йўлга қўйилиши режалаштирилган", дейилади хабарда.

Мақолани улашинг

Ўхшаш янгиликлар