J-PAL ва Ўзбекистон: камбағалликка қарши кураш бўйича ҳамкорлик ва тажриба алмашишнинг бошланиши бўйича семинар Самарқандда давом этди

J-PAL ва Ўзбекистон: камбағалликка қарши кураш бўйича ҳамкорлик ва тажриба алмашишнинг бошланиши бўйича семинар Самарқандда давом этди

Иқтисодий тадқиқотлар ва ислоҳотлар марказида Нобел мукофоти лауреатлари Абхижит Банержи ва Эстер Дуфло асос солган J-PAL халқаро ташкилот экспертлари билан биргаликда кабағалликка қарши кураш бўйича давлат дастурлари самарадорлигини ошириш учун Ўзбекистон ҳукумати билан ҳамкорликда инновацион ёндашувларни ишлаб чиқиш ва синовдан ўтказишга кўмаклашиш мақсадида ташкил этилган илмий-услубий семинар Самарқандда давом этди.

Ўзбекистон Республикаси Президентининг 2021 йил 3 декабрдаги “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида”ги ПФ-29-сонли фармони ҳамда 2021 йил 3 декабрдаги «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида»ги ПҚ-31-сон қарорлари асосида маҳаллаларда тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини самарали ташкил этилганлигини кўриш мақсадида ташкилот экспертлари Самарқанд шаҳар “Хазора” маҳалла фуқаролар йиғинида фаолиятини бошлаган ҳоким ёрдамчиси Ахмедов Дилшод Ахмаджановичнинг фаолияти билан танишдилар.

Ҳоким ёрдамчиси Д.Ахмедовнинг маҳаллада олиб борилаётган ишлари ҳамда фуқароларнинг ҳам ижтимоий ҳам иқтисодий муаммоларини бартараф этиш борасида олиб бораётган амалий ишлари билан танишдилар.

Ҳоким ёрдамчиси Д.Ахмедов маҳаллада тадбиркорликни ривожлантиришда ички имкониятларини ишга солиш орқали маҳалланинг иқтисодий ўсишини таъминлаш борасида олиб бораётган ишларини, маҳаллада истиқомат қилувчи аҳолининг оилавий тадбиркорлигини йўлга қўйиши учун оилавий тадбиркорлик дастури доирасида кредитлар олиш жараёнини онлайн тарзда online-mahalla.uz платформаси орқали амалга оширилаётганлигини, маҳалладаги тадбиркорлар фаолиятини амалга оширишига тўсиқ бўлаётган муаммоларни, доимий даромад манбаига эга бўлмаган ва ишсиз аҳолини касб-ҳунар ва тадбиркорликка ўргатувчи ўқув марказларига йўналтирган ҳолда билим кўникмаларини ошириб, мавжуд бўш иш ўринларига биринчи навбатда ижтимоий-иқтисодий кўрсаткичи паст бўлган "Темир дафтар", "Аёллар дафтари" ва "Ёшлар дафтари"га кирган ёшлар ва хотин-қизларни бўш (вакант) иш ўринларига жойлаштириш ҳамда ҳақ тўланадиган жамоат ишларига сафарбар қилиш орқали маҳаллада камбағалликка қарши курашиш ишлари олиб бораётганлиги таъкидлаб ўтди.

Президентимиз томонидан ҳоким ёрдамчилари лавозими жорий этилиши маҳаллада истиқомат қилаётган ҳар бир фуқаро ва давлат ўртасида “тет-а-тет” мулоқот ўрнатилиши, уларнинг фикрлари, муаммолари ва камчиликлари бўйича янада яқиндан танишиш ва тўғридан-тўғри ишлаш имконини яратади. Маҳалла аҳолисининг ижтимоий-иқтисодий муаммоларини ҳал этиш, тадбиркорликни ривожлантириш, ишсиз фуқаролар бандлигини таъминлаш, камбағалликка қарши курашиш бўйича маҳалла даражасида кўмаклашилаётганига гувоҳи бўлишди. J-PAL халқаро ташкилот экспертлари Ўзбекистонда камбағалликка қарши курашиш маҳаллабай тизим орқали амалга оширилаётганини мақуллаб, ишлар бўйича турли тадқиқот ишларидан олинган хулосалар билан ўртоқлашдилар. Шунингдек, далилларга асосланган кейинги дастурларни ишлаб чиқиш имкониятларини муҳокама қилдилар.


Мақолани улашинг

Ўхшаш янгиликлар