2023 йилнинг 1 октябрь ҳолатига фаолият юритаётган кичик корхона ва микрофирмалар сони (фермер ва деҳқон хўжаликларисиз) 23 409 тани ташкил этиб, ўтган йилга нисбатан 25,6% га камайган. 2023 йилнинг январь-сентябрь ойларида 3 614 та янги кичик корхона ва микрофирмалар ташкил қилинди, бу ўтган йилнинг шу даврига нисбатан 12%га кам демакдир. 2023 йилнинг 1-октябрь ҳолатига кўра ҳудудлар бўйича фаолият юритаётган кичик корхона ва микрофирмаларнинг энг кўпи Наманган шаҳрида 7 279 тани ёки жамига нисбатан 25,2%ни ташкил этди.
2023 йилнинг январь-сентябрь ойларида Наманган вилояти ялпи ҳудудий маҳсулоти таркибида кичик тадбиркорлик субектларининг улуши 72,5% (2022 йилнинг тегишли даврига нисбатан 0,2 пунктга ортган), саноатда – 47,6%, қишлоқ хўжалигида – 96,4%, ўзлаштирилган инвестицияларда – 65,6%, қурилишда – 90,8%, савдода – 93,8%, хизматлар соҳасида – 65,7%, юк ташишда – 93,9%, йўловчи ташишда – 97,5%, экспортда – 43,4%, импортда – 68,9%ни ташкил қилди.
Наманган вилоятида 2023 йилнинг январь-сентябрь ойларида фаолият юритаётган кичик тадбиркорлик субектлари сонининг ҳар 1000 аҳолига нисбатан 9,8 бирликни ташкил этиб, бу кўрсаткич 2022 йилнинг мос даврига нисбатан 3,3 бирликка камайган. Кичик тадбиркорлик субъектлари сонининг ҳар 1000 аҳолига нисбати туман ва шаҳарлар кесимида таҳлил қилинганда энг юқори кўрсаткич Мингбулоқ туманида 12,4 бирлик, Учқўрғон туманида 11,1 бирлик, Чортоқ туманида 10,8 бирлик, Чуст туманида 10,7 бирлик, Наманган шаҳрида 10,6 бирлик ва Поп туманида 10,1 бирликни ташкил этди.
2023 йилнинг январь-сентябрь ойларида иқтисодий фаолият турлари бўйича энг кўп янги кичик корхона ва микрофирма савдо соҳасида (39%), саноатда (19%) ҳамда қишлоқ хўжалиги соҳаларида (11%) ташкил этилган.
Изоҳ қолдириш