Ўзбекистондаги тижорат банкларида хорижий валютада жисмоний шахсларга қулай офлайн омонатлар (2021 йил ноябрь)

Ўзбекистондаги тижорат банкларида хорижий валютада жисмоний шахсларга қулай офлайн омонатлар (2021 йил ноябрь)

Иқтисодий тадқиқотлар ва ислоҳотлар маркази (Марказ) томонидан Ўзбекистондаги тижорат банкларда хорижий валютада жисмоний шахсларга қулай юқори йиллик фойиздаги офлайн омонатлар тўғрисида маълумот таёрлади (2021 йил ноябрь). Мазкур маълумот тузишда омонат шартлари – йиллик фоиз ставкаси, омонат муддати, омонат минимал миқдори, шу билан биргаликда тўлдириш ва ечиш имкониятлари каби омиллар инобатга олинган.

Ҳозирда 32 та тижорат банкидан фақат 28 таси хорижий валютада офлайн омонатлар таклиф этмоқда.

Ҳозирги кунда «Узагроэкспортбанк», «Савдогар банк», «Тибиси банк», «Тенге банк» банклари томонидан хорижий валютада омонатлар таклиф этилмаяпти.

Натижаларига кўра, жисмоний шахсларга хорижий валютада таклиф этилаётган қулай юқори фоизлар билан офлайн омонатлар бўйича Топ-5 банклар орасидан жой эгалаган банклар:

«Универсал банк» (фоиз ставкаси - 6%, омонат муддати – 24 ой, минимал миқдори - $200),

« Траст банк» (фоиз ставкаси – 6%, омонат минимал миқдори – $500, омонат муддати – 13 ой),

«Давр банк» (қуйидаги шартларда омонатлар таклиф этилмоқда: йиллик фоиз ставка – 5,5%, омонат муддати – 12 ой, омнатнинг минимал қиймати – $500).

Категориялар бўйича, кейинги Топ-5 банклар орасидан қуйидаги банклар жой эгалаган:

«Зираат банк» (фоиз ставкаси – 5,3%, омонат минимал миқдори – $2000, омонат муддати – 36 ой),

« Асака банк» (фоиз ставкаси – 5,2%, омонат минимал миқдори – $50, омонат муддати – 24 ой).

Шу ўринда таъкидлаш керакки, тижорат банклари томонидан хорижий валютада жисмоний шахсларга қулай офлайн омонатлар бўйича энг баланд ставкани «Универсал банк» (6%) ва «Траст банк» (6%) тақдим этаётган бўлса, энг паст ставка «Пойтахт банк» (3%) ва «Ипак йўли банк» (3%) банклари томонидан таклиф этилмоқда. Аниқланишича бази тижорат банкларида омонатларни қисман ечиш йиллик фоиз ставкаларини ўзгаришига олиб келади.

Бундан ташқари, қуйидаги банклар: «Туркистон банк», «Эрон Содерот банк», «Мадад инвест банк», «ЎзКДБ банк» томонидан омонатлар мижозлар билан келишилган ҳолда қабул қилинади.

Маълумот учун: Марказий банк маълумотларига кўра, шу йилнинг июнь ойигача, тижорат банклари томонидан хорижий валютада жисмоний шахслардан жалб қилинган омонатлар 66 579,8 млрд. сўмни ташкил этган. Шунингдек, 2021 октябрь холатига кўра тижорат банклардаги хорижий валютада жисмоний шахсларга таклиф этилаётган омонатларнинг ўртача йиллик фоиз ставкаси олдинги ойга нисбатан кўтарилиб 4,5%ни (сентябрь – 4,0%) ташкил этди.

Маълумотлар, тижорат банкларининг веб-сайтларидан олинган бўлиб, омонат шартлари ўзгариши мумкин. Батафсил маълумот учун банкнинг веб-сайтига ташриф буюришингиз мумкин.

Муҳаммаджон Рашидов,

Иқтисодий тадқиқотлар ва ислоҳотлар маркази


Мақолани улашинг

Ўхшаш янгиликлар