O‘zbekistondagi tijorat banklarida xorijiy valyutada jismoniy shaxslarga qulay oflayn omonatlar (2021 yil noyabr)

O‘zbekistondagi tijorat banklarida xorijiy valyutada jismoniy shaxslarga qulay oflayn omonatlar (2021 yil noyabr)

Iqtisodiy tadqiqotlar va islohotlar markazi (Markaz) tomonidan O‘zbekistondagi tijorat banklarda xorijiy valyutada jismoniy shaxslarga qulay yuqori yillik foyizdagi oflayn omonatlar to‘g‘risida ma’lumot tayorladi (2021 yil noyabr). Mazkur ma’lumot tuzishda omonat shartlari – yillik foiz stavkasi, omonat muddati, omonat minimal miqdori, shu bilan birgalikda to‘ldirish va yechish imkoniyatlari kabi omillar inobatga olingan.

Hozirda 32 ta tijorat bankidan faqat 28 tasi xorijiy valyutada oflayn omonatlar taklif etmoqda.

Hozirgi kunda «Uzagroeksportbank», «Savdogar bank», «Tibisi bank», «Tenge bank» banklari tomonidan xorijiy valyutada omonatlar taklif etilmayapti.

Natijalariga ko‘ra, jismoniy shaxslarga xorijiy valyutada taklif etilayotgan qulay yuqori foizlar bilan oflayn omonatlar bo‘yicha Top-5 banklar orasidan joy egalagan banklar:

«Universal bank» (foiz stavkasi - 6%, omonat muddati – 24 oy, minimal miqdori - $200),

« Trast bank» (foiz stavkasi – 6%, omonat minimal miqdori – $500, omonat muddati – 13 oy),

«Davr bank» (quyidagi shartlarda omonatlar taklif etilmoqda: yillik foiz stavka – 5,5%, omonat muddati – 12 oy, omnatning minimal qiymati – $500).

Kategoriyalar bo‘yicha, keyingi Top-5 banklar orasidan quyidagi banklar joy egalagan:

«Ziraat bank» (foiz stavkasi – 5,3%, omonat minimal miqdori – $2000, omonat muddati – 36 oy),

« Asaka bank» (foiz stavkasi – 5,2%, omonat minimal miqdori – $50, omonat muddati – 24 oy).

Shu o‘rinda ta’kidlash kerakki, tijorat banklari tomonidan xorijiy valyutada jismoniy shaxslarga qulay oflayn omonatlar bo‘yicha eng baland stavkani «Universal bank» (6%) va «Trast bank» (6%) taqdim etayotgan bo‘lsa, eng past stavka «Poytaxt bank» (3%) va «Ipak yo‘li bank» (3%) banklari tomonidan taklif etilmoqda. Aniqlanishicha bazi tijorat banklarida omonatlarni qisman yechish yillik foiz stavkalarini o‘zgarishiga olib keladi.

Bundan tashqari, quyidagi banklar: «Turkiston bank», «Eron Soderot bank», «Madad invest bank», «O‘zKDB bank» tomonidan omonatlar mijozlar bilan kelishilgan holda qabul qilinadi.

Ma’lumot uchun: Markaziy bank ma’lumotlariga ko‘ra, shu yilning iyun oyigacha, tijorat banklari tomonidan xorijiy valyutada jismoniy shaxslardan jalb qilingan omonatlar 66 579,8 mlrd. so‘mni tashkil etgan. Shuningdek, 2021 oktyabr xolatiga ko‘ra tijorat banklardagi xorijiy valyutada jismoniy shaxslarga taklif etilayotgan omonatlarning o‘rtacha yillik foiz stavkasi oldingi oyga nisbatan ko‘tarilib 4,5%ni (sentyabr – 4,0%) tashkil etdi.

Ma’lumotlar, tijorat banklarining veb-saytlaridan olingan bo‘lib, omonat shartlari o‘zgarishi mumkin. Batafsil ma’lumot uchun bankning veb-saytiga tashrif buyurishingiz mumkin.

Muhammadjon Rashidov,

Iqtisodiy tadqiqotlar va islohotlar markazi


Maqolani ulashing

O'xshash yangiliklar