“Ўзбекистон Республикасининг фуқаролиги тўғрисида"ги Қонунга қўшимча ва ўзгартишлар киритиш ҳақида”ги 14.06.2021 йилдаги ЎРҚ-696-сон Қонун қабул қилинди.
Янги қонунга асосан 2005 йил 1 январга қадар Ўзбекистонда доимий яшаш жойи бўйича рўйхатга олинган ҳамда муқаддам чет давлат фуқаролигида бўлмаган, шунингдек республикада камида 15 йил доимий яшаб келаётган шахслар Ўзбекистоннинг фуқароси деб тан олиниши мумкин.
Ота-онасидан бири (ёлғиз отаси ёки онаси) Ўзбекистоннинг фуқароси деб тан олинган, чет давлат фуқаролигини қабул қилмаган ва Ўзбекистонда яшаб келаётган бола ҳам республиканинг фуқароси деб тан олиниши мумкин.
Юқорида кўрсатилган фактларни тасдиқловчи ҳужжатлар мавжуд бўлмаган тақдирда, ариза берувчи уларни суд тартибида аниқлаши мумкин.
Ўзбекистоннинг фуқаролигига мансубликни аниқлаш ҳам шахснинг фуқароликка мансублигини аниқлаш тўғрисидаги аризаси, ҳам Ўзбекистоннинг ёки чет давлатнинг ваколатли органи сўрови бўйича амалга оширилиши мумкин.
Фуқаролиги бўлмаган шахсни Ўзбекистоннинг фуқароси деб тан олиш тўғрисидаги аризага бошқа ҳужжатлар қаторида 2005 йил 1 январга қадар Ўзбекистонга кириб келганлигини ва доимий яшаш жойи бўйича рўйхатга олинганлигини ёки Ўзбекистон ҳудудида 15 йил ва ундан ортиқ йил давомида доимий яшаб келаётганлигини тасдиқловчи ҳужжатлар илова қилинади.
Фуқаролик мавжудлигини кўрсатувчи паспорт ёки шахсни тасдиқловчи бошқа ҳужжат билан бир қаторда, энди республика фуқаросининг идентификацияловчи картаси ҳам Ўзбекистоннинг фуқаролигини тасдиқловчи ҳужжат ҳисобланади.
Республиканинг фуқаролигини белгиланган тартибда олган шахсга қуйидаги ҳужжатлар берилади:
Изоҳ қолдириш