Ўзбекистонда АИ-80 маркали бензин нархи пасайди
Биржада АИ-80 маркали автомобиль бензинининг нархи 6,3% га арзонлашди.
Ўзбекистон республика товар-хом ашё биржасида 8 январь куни эрталабки сессияда ўтказилган биржа савдо натижаларига кўра АИ-80 маркали автомобиль бензинининг нархи пастлади.
ЎзРТХБ ахборот хизматининг хабар қилишича, АИ-80 маркали автомобиль бензинининг бир тоннаси 7 474,4 минг сўмни ташкил қилган. Бу аввалги кунга, яъни 7 январга нисбатан 6,3% га камдир.
АИ-80 маркали автомобиль бензиннинг биржадаги нархи литрга ўтказилганда маҳсулотнинг бир литри тахминан 5700 сўмни ташкил қилади.
Айни пайтда биржа савдоларига АИ-80 маркали автомобиль бензини сотувчи корхоналар томонидан барқарор равишда биржа савдоларига қўйиб борилмоқда.
Изоҳ қолдириш