Шавкат Мирзиёев ва ишбилармонлар: тадбиркорлар билан илк очиқ мулоқот — Иқтисодий тадқиқотлар ва ислоҳотлар маркази лингвистик таҳлили

Шавкат Мирзиёев ва ишбилармонлар: тадбиркорлар билан илк очиқ мулоқот — Иқтисодий тадқиқотлар ва ислоҳотлар маркази лингвистик таҳлили

Бугун, 2021 йил 20 август куни Тошкентдаги "Ўзбекистон" халқаро анжуманлар саройида Президент Шавкат Мирзиёевнинг тадбиркорлар билан биринчи очиқ мулоқоти бўлиб ўтди. Тадбиркорлар билан учрашув 6 соатдан зиёд давом этди.

Мулоқотда 600 га яқин тадбиркор қатнашди. Вилоятлардаги студияларда эса жами 15000 га яқин ишбилармонлар иштирок этди.

Биринчи очиқ мулоқотга барча – тадбиркорлар, вазирлик ва идоралар, қолаверса, давлат раҳбари ҳам тайёргарлик кўрди. Шу мақсадда 24/7 режимида тадбиркорларнинг мурожаатларини тўплаш ва таҳлил қилиш бўйича штаб ташкил этилди.

Тадбиркорлардан 15 мингдан ортиқ савол, таклиф ва ташаббуслар келиб тушди ва шу кунгача, жойларда уларнинг кўпчилиги ҳал этилди.

Очиқ мулоқот чоғида тадбиркорларнинг долзарб муаммолари, уларни ҳал этиш йўллари, мамлакатимизда ишбилармонлик муҳитини яхшилаш бўйича таклиф ва ташаббуслар муҳокама қилинди.

Президентнинг айтишича, бугун Ўзбекистонда тадбиркорлар сони 1,5 миллион кишини ташкил этади. Ушбу тадбиркорларга қарашли корхоналарда 5 миллионга яқин киши меҳнат қилмоқда.

Тадбиркорлар олдида турган муаммоларни ҳал этишнинг муҳим йўналишлари белгилаб олинди.

Давлат раҳбарининг таъкидлашича, мамлакатда кредит ва субсидиялар олиш, лицензия, кўчмас мулк ва ресурсларга эга бўлиш учун кўплаб шарт-шароитлар яратилган. Шунингдек, биргина ўтган 2 йил мобайнида мамлакатимиз хотин-қизлар ва ёшлар тадбиркорлигини ривожлантириш учун 500 миллион АҚШ доллари миқдорида сармоя киритилгани қайд этилди.

Эслатиб ўтамиз, Марказ томонидан ўтказилган параллел тадқиқот шуни кўрсатдики, тадбиркорларнинг 41% ўз бизнесининг ҳозирги ҳолатини "яхши" деб баҳолаган.

Тасвирий ифодаловчи сўзлардан фойдаланиб, Марказ таҳлилчилари давлат раҳбари нимага кўпроқ эътибор қаратаётганини аниқлашди. Шавкат Мирзиёев ўз нутқида жами 5 527 та сўздан фойдаланган.

Президентнинг нутқини таҳлили қилиш (асл тилдан) тадбиркорларнинг энг долзарб муаммолари солиқлар ва кредитлар эканлигини кўрсатди.

Президент томонидан энг кўп тилга олинган сўзлар "тадбиркор", "солиқлар" ва "кредитлар" бўлди. (1-расм).

Хусусан, “тадбиркор” сўзи 125 марта "солиқлар" сўзи 44 марта ва "кредитлар" сўзи 26 марта тилга олинган. "Банк" ва у билан боғлиқ сўзлар 23 марта айтилган.

Давлат раҳбари солиқ тизимини такомиллаштириш тўғрисида гапирар экан, бизнесга солиқ юкини имкон қадар камайтиришга қаратилган чора-тадбирларни эълон қилди.

Қўшилган қиймат солиғининг узлуксиз занжирини яратишга эътибор қаратилади. Шунингдек, ички бозорда тенг рақобат бўлиши учун экспорт маҳсулотлари ишлаб чиқаришга олиб келинган хом ашё импорт божидан озод этилади.

Йил охирига қадар 13 минг умумий овқатланиш корхонаси ер солиғи ва мол-мулк солиғидан озод қилинади. Уларнинг бошқа солиқлар бўйича 35 млрд. сўм миқдоридаги қарзлари жорий йил охирига қадар узайтирилади ва кредитларни қайтариш кечиктирилади.

Туристик компаниялар ва меҳмонхоналар 2 йил муддатга туристик тўловлардан озод қилинади.

Шавкат Мирзиёев кредитлар бўйича фоиз ставкаларини пасайтириш ҳақида гапирди. Мурожаатларнинг 40 фоизи бизнесни молиялаштириш ва молия-кредит масалалари билан боғлиқ эканини таъкидлади. Хусусан, кредит ставкаларининг юқорилиги ва кўплаб кредитларнинг қисқа муддатга, тадбиркор учун ноқулай шартларда берилаётгани қайд этилди.

Шу муносабат билан кредит бўйича фоиз ставкалари камида 5 фоизга пасайтирилади. Унга кўра, тижорат банкларида ҳар йили ўртача 30-40 триллион сўмлик миллий валютадаги узоқ муддатли қўшимча ресурслар шаклланади. Бунинг натижасида тадбиркорлар миллий валютадаги кредитларни узоқ муддатга ва ҳозирги ставкалардан арзонроқ олишлари мумкин бўлади.

"Валюта" сўзи контекстда 15 марта ишлатилган. Жумладан, Молия вазирлиги ҳузурида Валюта хатарларини бошқариш компанияси ва ҳудудларда унинг филиаллари ташкил этилишини маълум қилди. Тадбиркорларнинг хорижий валютадаги 1 млрд долларлик кредитлари миллий валютага ўтказилади. Ушбу чора-тадбирлар кредитлар бўйича фоиз ставкаларини пасайтиради ва доллар курсининг ошиши тадбиркорга қўшимча муаммо туғдирмайди.

Таҳлил натижалари шуни кўрсатдики, Президент нутқининг 33% молиялаштириш ва кредитлаш масалаларига қаратилди.

Нутқнинг 15 % тадбиркорлик фаолияти билан боғлиқ мисоллар ташкил этди. Саноатни ривожлантириш масалалари – 14 %.

Йўналишлар бўйича сўзларнинг тақсимланиши шуни кўрсатдики, Президентнинг нутқининг аксарияти молиялаштириш ва кредитлашга қаратилди, кўпинча тадбиркорлик, саноат, тадбиркорликни ривожлантириш учун муносиб шароитлар ва муаммолар, солиқ тизимини такомиллаштириш, инфратузилма, ташқи савдо, экспорт, транспорт ва логистика, иш ўринлари яратиш, субсидиялар, давлат хизматлари ва ер ажратиш ҳақида гапирди.

2-расм. Йўналишлар бўйича сўзларнинг тақсимланиши

Давлат раҳбари бундан буён давлат мулки объектларини, улар жойлашган ер билан бирга ягона мулкий мажмуа сифатида аукцион орқали сотилишини маълум қилди. Бинони сотиб олган тадбиркорлар унга бириктирилган ерга ҳам хусусий мулк ҳуқуқи асосида эгалик қиладилар.бундан буён давлат мулки объектларини, улар жойлашган.

Давлат раҳбари билан очиқ мулоқот чоғида кўплаб соҳалар бўйича турли мавзулар ёритилди. Улардан энг муҳим олтитаси:

  • молиялаштириш ва кредитлаш;
  • солиқ тизимини такомиллаштириш, бизнесга солиқ юкини камайтириш;
  • ер ажратиш ва хусусий мулк масаласи;
  • инфратузилма муаммолари;
  • экспорт қилувчи корхоналарни қўллаб-қувватлаш, кичик бизнесни экспорт фаолиятига жалб этишнинг янги имкониятлари;
  • транспорт ва логистика.

Шундай қилиб, давлат раҳбари мамлакатимизда тадбиркорлик соҳасини ислоҳ қилишнинг янги дастурини шакллантирди.

Иқтисодий тадқиқотлар ва ислоҳотлар маркази Жамоатчилик билан алоқалар хизмати

Барча саволлар учун қуйидаги телефон орқали бизга мурожаат қилинг: (78) 150 02 02 (417)


Мақолани улашинг

Ўхшаш янгиликлар