Shavkat Mirziyoyev va ishbilarmonlar: tadbirkorlar bilan ilk ochiq muloqot — Iqtisodiy tadqiqotlar va islohotlar markazi lingvistik tahlili

Shavkat Mirziyoyev va ishbilarmonlar: tadbirkorlar bilan ilk ochiq muloqot — Iqtisodiy tadqiqotlar va islohotlar markazi lingvistik tahlili

Bugun, 2021 yil 20 avgust kuni Toshkentdagi "O‘zbekiston" xalqaro anjumanlar saroyida Prezident Shavkat Mirziyoyevning tadbirkorlar bilan birinchi ochiq muloqoti bo‘lib o‘tdi. Tadbirkorlar bilan uchrashuv 6 soatdan ziyod davom etdi.

Muloqotda 600 ga yaqin tadbirkor qatnashdi. Viloyatlardagi studiyalarda esa jami 15000 ga yaqin ishbilarmonlar ishtirok etdi.

Birinchi ochiq muloqotga barcha – tadbirkorlar, vazirlik va idoralar, qolaversa, davlat rahbari ham tayyorgarlik ko‘rdi. Shu maqsadda 24/7 rejimida tadbirkorlarning murojaatlarini to‘plash va tahlil qilish bo‘yicha shtab tashkil etildi.

Tadbirkorlardan 15 mingdan ortiq savol, taklif va tashabbuslar kelib tushdi va shu kungacha, joylarda ularning ko‘pchiligi hal etildi.

Ochiq muloqot chog‘ida tadbirkorlarning dolzarb muammolari, ularni hal etish yo‘llari, mamlakatimizda ishbilarmonlik muhitini yaxshilash bo‘yicha taklif va tashabbuslar muhokama qilindi.

Prezidentning aytishicha, bugun O‘zbekistonda tadbirkorlar soni 1,5 million kishini tashkil etadi. Ushbu tadbirkorlarga qarashli korxonalarda 5 millionga yaqin kishi mehnat qilmoqda.

Tadbirkorlar oldida turgan muammolarni hal etishning muhim yo‘nalishlari belgilab olindi.

Davlat rahbarining ta’kidlashicha, mamlakatda kredit va subsidiyalar olish, litsenziya, ko‘chmas mulk va resurslarga ega bo‘lish uchun ko‘plab shart-sharoitlar yaratilgan. Shuningdek, birgina o‘tgan 2 yil mobaynida mamlakatimiz xotin-qizlar va yoshlar tadbirkorligini rivojlantirish uchun 500 million AQSh dollari miqdorida sarmoya kiritilgani qayd etildi.

Eslatib o‘tamiz, Markaz tomonidan o‘tkazilgan parallel tadqiqot shuni ko‘rsatdiki, tadbirkorlarning 41% o‘z biznesining hozirgi holatini "yaxshi" deb baholagan.

Tasviriy ifodalovchi so‘zlardan foydalanib, Markaz tahlilchilari davlat rahbari nimaga ko‘proq e’tibor qaratayotganini aniqlashdi. Shavkat Mirziyoyev o‘z nutqida jami 5 527 ta so‘zdan foydalangan.

Prezidentning nutqini tahlili qilish (asl tildan) tadbirkorlarning eng dolzarb muammolari soliqlar va kreditlar ekanligini ko‘rsatdi.

Prezident tomonidan eng ko‘p tilga olingan so‘zlar "tadbirkor", "soliqlar" va "kreditlar" bo‘ldi. (1-rasm).

Xususan, “tadbirkor” so‘zi 125 marta "soliqlar" so‘zi 44 marta va "kreditlar" so‘zi 26 marta tilga olingan. "Bank" va u bilan bog‘liq so‘zlar 23 marta aytilgan.

Davlat rahbari soliq tizimini takomillashtirish to‘g‘risida gapirar ekan, biznesga soliq yukini imkon qadar kamaytirishga qaratilgan chora-tadbirlarni e’lon qildi.

Qo‘shilgan qiymat solig‘ining uzluksiz zanjirini yaratishga e’tibor qaratiladi. Shuningdek, ichki bozorda teng raqobat bo‘lishi uchun eksport mahsulotlari ishlab chiqarishga olib kelingan xom ashyo import bojidan ozod etiladi.

Yil oxiriga qadar 13 ming umumiy ovqatlanish korxonasi yer solig‘i va mol-mulk solig‘idan ozod qilinadi. Ularning boshqa soliqlar bo‘yicha 35 mlrd. so‘m miqdoridagi qarzlari joriy yil oxiriga qadar uzaytiriladi va kreditlarni qaytarish kechiktiriladi.

Turistik kompaniyalar va mehmonxonalar 2 yil muddatga turistik to‘lovlardan ozod qilinadi.

Shavkat Mirziyoyev kreditlar bo‘yicha foiz stavkalarini pasaytirish haqida gapirdi. Murojaatlarning 40 foizi biznesni moliyalashtirish va moliya-kredit masalalari bilan bog‘liq ekanini ta’kidladi. Xususan, kredit stavkalarining yuqoriligi va ko‘plab kreditlarning qisqa muddatga, tadbirkor uchun noqulay shartlarda berilayotgani qayd etildi.

Shu munosabat bilan kredit bo‘yicha foiz stavkalari kamida 5 foizga pasaytiriladi. Unga ko‘ra, tijorat banklarida har yili o‘rtacha 30-40 trillion so‘mlik milliy valyutadagi uzoq muddatli qo‘shimcha resurslar shakllanadi. Buning natijasida tadbirkorlar milliy valyutadagi kreditlarni uzoq muddatga va hozirgi stavkalardan arzonroq olishlari mumkin bo‘ladi.

"Valyuta" so‘zi kontekstda 15 marta ishlatilgan. Jumladan, Moliya vazirligi huzurida Valyuta xatarlarini boshqarish kompaniyasi va hududlarda uning filiallari tashkil etilishini ma’lum qildi. Tadbirkorlarning xorijiy valyutadagi 1 mlrd dollarlik kreditlari milliy valyutaga o‘tkaziladi. Ushbu chora-tadbirlar kreditlar bo‘yicha foiz stavkalarini pasaytiradi va dollar kursining oshishi tadbirkorga qo‘shimcha muammo tug‘dirmaydi.

Tahlil natijalari shuni ko‘rsatdiki, Prezident nutqining 33% moliyalashtirish va kreditlash masalalariga qaratildi.

Nutqning 15 % tadbirkorlik faoliyati bilan bog‘liq misollar tashkil etdi. Sanoatni rivojlantirish masalalari – 14 %.

Yo‘nalishlar bo‘yicha so‘zlarning taqsimlanishi shuni ko‘rsatdiki, Prezidentning nutqining aksariyati moliyalashtirish va kreditlashga qaratildi, ko‘pincha tadbirkorlik, sanoat, tadbirkorlikni rivojlantirish uchun munosib sharoitlar va muammolar, soliq tizimini takomillashtirish, infratuzilma, tashqi savdo, eksport, transport va logistika, ish o‘rinlari yaratish, subsidiyalar, davlat xizmatlari va yer ajratish haqida gapirdi.

2-rasm. Yo‘nalishlar bo‘yicha so‘zlarning taqsimlanishi

Davlat rahbari bundan buyon davlat mulki ob’yektlarini, ular joylashgan yer bilan birga yagona mulkiy majmua sifatida auksion orqali sotilishini ma’lum qildi. Binoni sotib olgan tadbirkorlar unga biriktirilgan yerga ham xususiy mulk huquqi asosida egalik qiladilar.bundan buyon davlat mulki ob’yektlarini, ular joylashgan.

Davlat rahbari bilan ochiq muloqot chog‘ida ko‘plab sohalar bo‘yicha turli mavzular yoritildi. Ulardan eng muhim oltitasi:

  • moliyalashtirish va kreditlash;
  • soliq tizimini takomillashtirish, biznesga soliq yukini kamaytirish;
  • yer ajratish va xususiy mulk masalasi;
  • infratuzilma muammolari;
  • eksport qiluvchi korxonalarni qo‘llab-quvvatlash, kichik biznesni eksport faoliyatiga jalb etishning yangi imkoniyatlari;
  • transport va logistika.

Shunday qilib, davlat rahbari mamlakatimizda tadbirkorlik sohasini isloh qilishning yangi dasturini shakllantirdi.

Iqtisodiy tadqiqotlar va islohotlar markazi Jamoatchilik bilan aloqalar xizmati

Barcha savollar uchun quyidagi telefon orqali bizga murojaat qiling: (78) 150 02 02 (417)


Maqolani ulashing

O'xshash yangiliklar