Tahlil

Andijon viloyatining 2023 yil yanvar-sentyabr yakunlari bo‘yicha asosiy kapitalga kiritilgan investitsiyalar tahlil qilindi

3.11.2023 10:56
146

Iqtisodiy tadqiqotlar va islohotlar markazi Namangan filiali tomonidan Andijon viloyatning 2023 yil yanvar-sentyabr oylari yakunlari bo‘yicha asosiy kapitalga kiritilgan investitsiyalar ko‘rsatkichlari Ctatistika agentligi ma’lumotlariga asoslangan holda tahlil qilindi.

Joriy davrda 12 221,8 mlrd. so‘m asosiy kapitalga investitsiyalar o‘zlashtirilib, o‘sish sur’ati 2022 yilning mos davriga nisbatan 108,6%ni tashkil etdi. Markazlashgan moliyalashtirish manbalari hisobidan 1 810,1 mlrd. so‘m yoki jami investitsiyalar hajmining 15,0% o‘zlashtirildi. Mos ravishda, markazlashmagan moliyalashtirish manbalari hisobidan 10 401,4 mlrd. so‘m yoki jami investitsiyalar hajmining 85,0% o‘zlashtirildi.

2023 yilning yanvar-sentyabr oylarida korxona va tashkilotlarning o‘z mablag‘lari hisobidan moliyalashtirilgan asosiy kapitalga investitsiyalar – 2 117,7 mlrd. so‘m, aholi mablag‘lari hisobidan jami 1 405,7 mlrd. so‘m, to‘g‘ridan-to‘g‘ri xorijiy investitsiyalar hisobidan o‘zlashtirilgan investitsiyalar hajmi 6 568,0 mlrd. so‘mni tashkil etdi. Shuningdek, tijorat banklari kreditlari va boshqa qarz mablag‘lari hisobidan 310,0 mlrd. so‘m, davlat kafolati ostidagi xorijiy kreditlar 206,1 mlrd. so‘m, davlat byudjeti 1 291,9 mlrd. so‘m, Suv ta’minoti va kanalizatsiya tizimlarini rivojlantirish jamg‘armasi tomonidan 167,5 mlrd. so‘m miqdorida asosiy kapitalga inestitsiyalar o‘zlashtirildi.

2023 yil yanvar-sentyabr oylarida iqtisodiy faoliyat turlari bo‘yicha asosiy kapitalga investitsiyalar tarkibida eng katta ulush ishlab chiqarish sanoati (56,8%) va qishloq xo‘jaligi (5,6%), eng kam ulush esa sog‘liqni saqlash (1,7%), axborot va aloqa (0,6%), va tog‘-kon sanoatiga (0,5%) investitsiyalar kiritilgan.

Shaharlar va tumanlar kesimida asosiy kapitalga investitsiyalarning eng katta hajmi Buloqboshi tumanida 3 662,0 mlrd. so‘mni, asosiy kapitalga investitsiyalarning eng kichik hajmi esa Buloqboshi tumanida 140,2 mlrd. so‘mni tashkil etadi. Bundan tashqari, kiritilgan investitsiyalar hajmining yuqori o‘sishi Buloqboshi (276,0%), Marhamat (130,2%), Jalaquduq (128,6%), tumanida kuzatilgan bo‘lsa, eng past ko‘rsatkichlar Oltinko‘l (55,4%) va Asaka tumanlarida (46,1%) kuzatildi.

2023 yil yanvar-sentyabr oylarida umumiy maydoni 944,3 ming kv.m bo‘lgan yangi turar-joylar ishga tushirildi, shundan 604,2 ming kv.m bo‘lgan turar joylar qishloq joylaridagi joylar hisoblanadi. Bundan tashqari 10,4 km gaz va 80,7 km suv tarmoqlari ishga tushirildi.