O‘zbekistonda ishbilarmonlik faolligi indeksi aprel oyida yuqori o‘sishni qayd etdi

Joriy yilning aprel oyida IFI komponentlari darajasidagi quyidagi o‘zgarishlar kuzatildi:

- xo‘jalik yurituvchi sub’yektlarning bank hisob-varaqlaridagi operatsiyalar soni bo‘yicha komponent 8,3 foizga ortgan;

- tovar-xom ashyo birjasida xom-ashyo sotib olish jadalligi 5,4 foizga oshgan;

- faoliyat ko‘rsatayotgan xo‘jalik yurituvchi sub’yektlar bo‘yicha komponent 1,7 foizga ortgan;

- tovar belgilari bo‘yicha komponent 33,9 foizga ortgan;

Shuningdek, 2026 yil aprel oyida IFI barcha hududda o‘tgan oyga nisbatan o‘sishi kuzatilgan (Grafik №2).

Jumladan, Qoraqalpog‘iston (46,2 %), Namangan (43,0 %), Jizzax (41,1 %) va Sirdaryo viloyatida (38,1 %) sezilarli darajada o‘sish kuzatilgan (Jadval №1, 2).

Hisobot davrida banklararo to‘lov operatsiyalari soni 7 641,3 ming tani tashkil etib, 2026 yilning mart oyiga nisbatan 588,8 ming tranzaksiyaga (8,3%) ortgan.

Banklararo to‘lov operatsiyalari soni 12 ta hududda ortgan. Xususan, Toshkent sh. (9,8 %), Toshkent (9,1 %), Sirdaryo (9,0 %) viloyati va Qoraqalpog‘iston Respublikasida (8,1 %) yuridik shaxslar o‘rtasidagi bank operatsiyalari soni o‘tgan oyga nisbatan sezilarli ortgan. Bu ko‘rsatkich Xorazmda 4,4 % va Andijon viloyatida 3,7 %ga kamaygan.

Joriy yilning mart oyida IFIning birja komponenti 1,0543 birlikni tashkil etgan (o‘tgan oyga nisbatan 5,4 foizga ortgan). Bunda, har bir bitim bo‘yicha sotib olingan tovarlarning o‘rtacha hajmi 15,0 foizga ortganligi va tuzilgan bitimlar soni 4,1 foizga kamayganligi kuzatildi.

Respublika tovar-xom ashyo birjasida asosiy 34 turdagi tovarlar savdosining umumiy aylanmasi hajmi 2026 yil aprel oyida 8 532 mlrd. so‘mni tashkil etib, ushbu ko‘rsatkich o‘tgan oyga nisbatan 14,4 foizga ortgan.

Bunda, birja savdolardagi ushbu faollikda sanoat moyi savdosi hajmining o‘tgan oyga nisbatan 208,5 baravarga, bitum 2,6 baravar, paxta moyi 1,9 baravar va dizel yoqilg‘isi 1,6 baravarga ortishi asosiy omil hisoblanadi.

Hisobot davrida faoliyat yuritayotgan xo‘jalik sub’yektlari komponenti 1,0170 birlikni tashkil etib, oldingi oyga nisbatan 1,7 foizga ortgan. Bunda:

- barcha turdagi faoliyat yuritayotgan xo‘jalik yurituvchi sub’yektlar soni oldingi oyga nisbatan 3 682 birlikka ortib, 514,7 mingtani tashkil etgan;

- yirik tadbirkorlik bilan shug‘ullanuvchi korxonalar soni esa 221 taga oshib, 4 940 tani tashkil etgan;

- kichik korxonalar soni 3,6 mingtaga ortib, 420,9 mingtaga yetgan.

Shuningdek, fermer xo‘jaliklari soni 141 taga kamayib, 88,9 mingtani tashkil etgan.

2026 yilning aprel oyida savdo belgilari bo‘yicha komponent 1,3392 birlikni tashkil etib, o‘tgan oyga nisbatan 33,9 foizga ortgan. Mazkur davrda yuridik shaxslar tomonidan 529 ta tovar belgilari va tovar nomlari ro‘yxatga olingan.

Jadval №1

O‘zbekiston Respublikasi va mintaqalar bo‘yicha IFI komponentlarining o‘tgan oyga nisbatan o‘zgarishi

Jadval №2

O‘zbekiston Respublikasi va mintaqalar bo‘yicha IFI komponentlarining o‘tgan yilning mos oyiga nisbatan o‘zgarishi

Islom Saparmatov

Iqtisodiy tadqiqotlar va islohotlar markazi

Jamoatchilik bilan aloqalar bo‘limi