Davlat aktivlarini boshqarish agentligi 2021 yil 16 aprel kuni mahalliy va xorijiy OAVlari, jurnalistlar va blogerlar uchun Toshkent viloyati, Bo‘stonliq tumanidan ommaviy savdolarga chiqarilgan davlatning 3 ta yirik aktiviga press-tur tashkil qildi.
Press-tur asosiy mohiyati mamlakatimizda keng ko‘lamda olib borilayotgan xususiylashtirish jarayonlari, ob’yektlarni ochiq va shaffof sotish tizimlari bilan jurnalistlarni yaqindan tanishtirishdir.
Ma’lumki, Toshkent viloyati mamlakatimiz sanoat va turizm salohiyatiga boy, investitsion jozibadorlikka ega hududdir.
Tashrifning birinchi ob’yekti – Dengiz sathidan 1700 metr balandlikda, Tyan-Shan tizmasining etagida, Bo‘stonliq mintaqasining Beldirsoy traktida joylashgan “Beldirsoy” oromgohi chang‘i majmuasi.
Majmuaning umumiy yer maydoni 46,1 gektarni, bino va inshootlarning umumiy maydoni 9 628,0 kvadrat metrni tashkil etadi. “Beldirsoy” majmuasi bir vaqtning o‘zida 200 dan ortiq odamni qabul qilishi mumkin. Majmua hududida 19 ta kottej, 38 xonali mehmonxona, 80 o‘rinli ikkita restoran, 3 ta bar, yozgi va qishki basseynlar, 2 ta konferens-zal mavjud.
Birinchi tibbiy yordam shoxobchasi, badminton korti, Paint Ball, 2 ta tennis korti. “Beldirsoy” majmuasi 4 ta faslda ham ishlaydi.
“Beldirsoy” majmuasiga yaqin joyda taniqli “Kumbel” chang‘i yo‘lagi mavjud. Eslatib o‘tamiz, Britaniyaning Observer nashri Beldirsoy tog‘-chang‘i kurortini dunyodagi ekstremal chang‘i va heli-chang‘i uchun eng yaxshi joylar ro‘yxatiga kiritgan. Keng chang‘i maydonlariga ega bo‘lgan yo‘l eng qiyin yo‘llardan biridir.
Ekskursiyaning ikkinchi ob’yekti “Sijjak” dam olish maskaniga tashrif bo‘ldi. Tyan-Shan marvaridi, deb nomlangan Sijjak kurort zonasi dengiz sathidan 959 metr balandlikda, Pskem daryosi vodiysining o‘ng qirg‘og‘ida joylashgan. Yer uchastkasining umumiy maydoni 5,4 ga, bino va inshootlarning maydoni 5016,1 kv.m. Kompleks hududida mehmonxona, bir nechta suzish havzalari, amfiteatr, kottej, suv minorasi va boshqa inshootlar bor.
Press-tur ishtirokchilarining so‘nggi nuqtasi Toshkent viloyatining Bo‘stonliq tumani Qizil-Suv qishlog‘ida joylashgan “Qizil suv sport-sog‘lomlashtirish” majmuasi bo‘ldi. Yer uchastkasining umumiy maydoni 5,9 gektar, bino va inshootlarning maydoni 2746,2 kvadrat metrni tashkil etadi. Majmua bir vaqtning o‘zida 110 mehmonni qabul qila oladi. Bu yerda 2 ta yotoqxona, 8 ta kottej, ovqat xonasi, konferens zali, bilyard xonasi, mini-futbol maydoni, ikkita suzish havzasi, avtoturargohlar va birinchi yordam punkti mavjud.
Davlat aktivlarini boshqarish agentligi matbuot xizmati ta’kidlaganidek, “30 mart kuni kim oshdi savdosida qatnashish uchun arizalarni qabul qilish boshlanganligi e’lon qilindi. Agentlik arizalarni 2021 yil 30 aprelgacha qabul qiladi. Ochiq kim oshdi savdo natijalari, barcha tanlov arizalarini o‘rganish asosida Davlat Tender Komissiyasi tomonidan e’lon qilingan. Sizni mahalliy va xorijiy investorlar sifatida ishtirok etishga taklif qilamiz”.
Eslatib o‘tamiz, davlat mulki ob’yektlarini ommaviy savdolar orqali xususiylashtirishning faol jarayoni Prezidentning 2021 yil 11 fevraldagi “Davlat aktivlarini xususiylashtirishni yanada jadallashtirish chora-tadbirlari to‘g‘risida”gi 6167-son Farmonga muvofiq amalga oshirilmoqda.
Davlat aktivlarini boshqarish agentligi ommaviy savdolarda ishtirok etish uchun arizalarni 2021 yil 30 aprelgacha qabul qiladi.
Qo‘shimcha ma’lumot uchun: bugungi kunda Davlat aktivlarini boshqarish agentligi Farmonga muvofiq ommaviy savdolar orqali xususiylashtirilishi lozim bo‘lgan quyidagi 8 ta davlat mulki ob’yektlarini sotuvga qo‘ydi. Ular orasida Toshkent shahridagi quyidagi ob’yektlar bor:
Toshkent viloyatidagi quyidagi ob’yektlar:
2021 yilda Agentlikning Toshkent viloyati hududiy boshqarmasi 80 ta aktivni sotishni rejalashtirmoqda. Joriy yilning dastlabki 3 oyida “E-AUKSION” veb-sayti orqali 38 ta aktiv sotildi, shu jumladan, investitsiya va ijtimoiy majburiyatlarni bajarish sharti bilan 3,2 milliard so‘mlik 10 ta aktiv va “Bir so‘m” sotib olish qiymati bo‘lgan 28 ta aktiv xususiylashtirildi. Bu 380 ta yangi ish o‘rinlarini yaratishga imkon beradi.
2020 yil davomida “E-IJRO AUKSION” elektron platformasi orqali 108 ta aktiv xususiy sektorga sotildi. Shundan investitsiya va ijtimoiy majburiyatlarni nazarda tutadigan 20,9 milliard so‘mlik 22 ta aktiv va 3,4 milliard so‘mlik 86 ta aktiv. Xususiylashtirish natijasida 2020 yilda 1102 yangi ish o‘rinlari yaratildi.
Izoh qoldirish