Namangan viloyatining 2022 yil birinchi yarim yillik makroiqtisodiy ko‘rsatkichlari

Namangan viloyatining 2022 yil birinchi yarim yillik makroiqtisodiy ko‘rsatkichlari

2022 yil 6 oy yakuniga ko‘ra, Namangan viloyati bo‘yicha yalpi hududiy mahsulot (YaHM) hajmi joriy narxlarda 17 222,9 mlrd.so‘mni tashkil etdi va o‘tgan yilning mos davriga nisbatan 6,6 %ga o‘sish qayd etildi.

O‘zbekiston Respublikasi bo‘yicha YaIMni shakllantirishda Namangan viloyatining qo‘shgan hissasi 4,4%ni tashkil etdi. Aholi jon boshiga YaHM 5847,8 ming so‘mni tashkil etib, uning o‘sish sur’ati (o‘tgan yilning mos davriga nisbatan) 4,2%ga yetdi.

Viloyatda 6 oy davomida ishlab chiqarilgan sanoat mahsulotlari 7754,3 mlrd.so‘mni tashkil etib, 2021 yilning mos davriga nisbatan nisbatan 8,6 %ga o‘sish kuzatilgan. Viloyatda ishlab chiqarilgan sanoat mahsulotlarining respublika sanoatidagi ulushi 3,1%ni tashkil qilgan.

Viloyatda 4311,5 mlrd.so‘mlik iste’mol tovarlari ishlab chiqarilgan bo‘lib, 2021 yilning mos davriga nisbatan o‘sish sur’ati 16,0%ni tashkil etdi. Respublika iste’mol tovarlarida viloyatning ulushi 5,0%ni tashkil qilgan.

Viloyatda 9559,3 mlrd.so‘mlik qishloq xo‘jaligi mahsulotlari ishlab chiqarilgan bo‘lib, 2021 yilning mos davriga nisbatan 3,5%ga oshgan.

Viloyatda tashkil etilgan qurilish ishlari hajmi 2921,5 mlrd.so‘mga yetib, 2021 yilning mos davriga nisbatan 9,8 %ga oshgan. Viloyatda qurilish ishlari hajmining respublika ko‘rsatkichidagi ulushi 4,8%ni tashkil qilgan.

Viloyatda chakana savdo hajmi 8 139,1 mlrd.so‘mni tashkil yetib, 2021 yilning mos davriga nisbatan 13,8%ga oshgan.

Namangan viloyatida ko‘rsatilgan bozor xizmatlari hajmi 6 827,7 mlrd.so‘mni tashkil etib, 2021 yilning mos davriga nisbatan 16,0%ga oshgan. Viloyatning respublikaga qo‘shgan hissasi 4,3% ni tashkil etadi.

Namangan viloyati bo‘yicha asosiy kapitalga investitsiyalarning o‘tgan 6 oy davomida o‘sish sur’ati 5,2%, Respublikaga qo‘shgan hissasi esa 5%ni tashkil qiladi. Asosiy kapitalga investitsiyalar hajmi 6281 mlrd.so‘mni tashkil qiladi.

Tashqi savdo aylanmasi hajmi 601,5 mln.dollarni tashkil qilgan holda, 2021 yilning mos davriga nisbatan 16,4%ga oshgan. Viloyat tashqi savdo aylanmasining respublika jami tashqi savdo aylanmasidagi ulushi 2,5%ni tashkil qilgan.

2022 yilning birinchi yarmida amalga oshirilgan eksport hajmi 271,2 mln.dollarni tashkil qilib, 2021 yilning mos davriga nisbatan 22,7%ga, import hajmi esa 336,8 mln.dollarni tashkil etib, 2021 yilning mos davriga nisbatan 11,7%ga oshgan.

Viloyat eksport va import hajmining respublika ko‘rsatkichidagi ulushi mos ravishda 2,7 % va 2,3 %ni tashkil qilgan.

Nurdinova Shoiraxon, Namangan filiali bosh ilmiy xodimi
Sayfiddinov Samandar, NamDU 2-kurs talabasi
Maqolani ulashing

O'xshash yangiliklar