Наманган вилоятининг 2022 йил биринчи ярим йиллик макроиқтисодий кўрсаткичлари

Наманган вилоятининг 2022 йил биринчи ярим йиллик макроиқтисодий кўрсаткичлари

2022 йил 6 ой якунига кўра, Наманган вилояти бўйича ялпи ҳудудий маҳсулот (ЯҲМ) ҳажми жорий нархларда 17 222,9 млрд.сўмни ташкил этди ва ўтган йилнинг мос даврига нисбатан 6,6 %га ўсиш қайд этилди.

Ўзбекистон Республикаси бўйича ЯИМни шакллантиришда Наманган вилоятининг қўшган ҳиссаси 4,4%ни ташкил этди. Аҳоли жон бошига ЯҲМ 5847,8 минг сўмни ташкил этиб, унинг ўсиш суръати (ўтган йилнинг мос даврига нисбатан) 4,2%га етди.

Вилоятда 6 ой давомида ишлаб чиқарилган саноат маҳсулотлари 7754,3 млрд.сўмни ташкил этиб, 2021 йилнинг мос даврига нисбатан нисбатан 8,6 %га ўсиш кузатилган. Вилоятда ишлаб чиқарилган саноат маҳсулотларининг республика саноатидаги улуши 3,1%ни ташкил қилган.

Вилоятда 4311,5 млрд.сўмлик истеъмол товарлари ишлаб чиқарилган бўлиб, 2021 йилнинг мос даврига нисбатан ўсиш суръати 16,0%ни ташкил этди. Республика истеъмол товарларида вилоятнинг улуши 5,0%ни ташкил қилган.

Вилоятда 9559,3 млрд.сўмлик қишлоқ хўжалиги маҳсулотлари ишлаб чиқарилган бўлиб, 2021 йилнинг мос даврига нисбатан 3,5%га ошган.

Вилоятда ташкил этилган қурилиш ишлари ҳажми 2921,5 млрд.сўмга етиб, 2021 йилнинг мос даврига нисбатан 9,8 %га ошган. Вилоятда қурилиш ишлари ҳажмининг республика кўрсаткичидаги улуши 4,8%ни ташкил қилган.

Вилоятда чакана савдо ҳажми 8 139,1 млрд.сўмни ташкил етиб, 2021 йилнинг мос даврига нисбатан 13,8%га ошган.

Наманган вилоятида кўрсатилган бозор хизматлари ҳажми 6 827,7 млрд.сўмни ташкил этиб, 2021 йилнинг мос даврига нисбатан 16,0%га ошган. Вилоятнинг республикага қўшган ҳиссаси 4,3% ни ташкил этади.

Наманган вилояти бўйича асосий капиталга инвестицияларнинг ўтган 6 ой давомида ўсиш суръати 5,2%, Республикага қўшган ҳиссаси эса 5%ни ташкил қилади. Асосий капиталга инвестициялар ҳажми 6281 млрд.сўмни ташкил қилади.

Ташқи савдо айланмаси ҳажми 601,5 млн.долларни ташкил қилган ҳолда, 2021 йилнинг мос даврига нисбатан 16,4%га ошган. Вилоят ташқи савдо айланмасининг республика жами ташқи савдо айланмасидаги улуши 2,5%ни ташкил қилган.

2022 йилнинг биринчи ярмида амалга оширилган экспорт ҳажми 271,2 млн.долларни ташкил қилиб, 2021 йилнинг мос даврига нисбатан 22,7%га, импорт ҳажми эса 336,8 млн.долларни ташкил этиб, 2021 йилнинг мос даврига нисбатан 11,7%га ошган.

Вилоят экспорт ва импорт ҳажмининг республика кўрсаткичидаги улуши мос равишда 2,7 % ва 2,3 %ни ташкил қилган.

Нурдинова Шоирахон, Наманган филиали бош илмий ходими
Сайфиддинов Самандар, НамДУ 2-курс талабаси
Мақолани улашинг

Ўхшаш янгиликлар