Toshkent shahrida ichimlik suvi narxi ko‘tarilishi mumkin
Ichimlik suvi narxi aholi, byudjet va ulgurji iste’molchilar uchun (qo‘shimcha qiymat solig‘isiz) 310 so‘mdan 500 so‘mga ko‘tarilishi mumkin.
Toshkent shahar hokimligi tomonidan «Toshkent shahar suv ta’minoti» MChJning hozirgi kunda amalda bo‘lgan tarifini oshirish taklif qilinmoqda.
Jamoatchilik muhokamasiga qo‘yilgan hujjat loyihasida qayd etilishicha, «Toshkent shahar suv ta’minoti» MChJ 2019 yilda moliyaviy iqtisodiy faoliyatdan 58,8 mlrd so‘m hamda 2020 yil 8 oyligida 21,3 mlrd so‘m zarar ko‘rgan.
Yangi taklif etilayotgan tariflarga ko‘ra, narxlar quyidagicha belgilanishi kutilmoqda.
1 metr kub ichimlik suvi uchun tariflar:
- aholi, byudjet va ulgurji iste’molchilar uchun (qo‘shimcha qiymat solig‘isiz) 310 so‘mdan 500 so‘mga (161,2%)ga;
- tijorat tashkilotlari uchun 730 so‘mdan 1500 so‘mga (205,4%) ga o‘sishi;
Shuningdek, kanalizatsiya xizmatlari uchun tariflar:
- aholi, byudjet va ulgurji iste’molchilar uchun (qo‘shimcha qiymat solig‘isiz) 250 so‘mdan 350 so‘mga (140,0%)ga;
- tijorat tashkilotlari uchun 460 so‘mdan 820 so‘mga (178,2%) o‘sishi kutilmoqda.
Izoh qoldirish