14 сентябрь куни президент Шавкат Мирзиёев Солиқ кодексига ўзгартиш ва қўшимчалар киритиш тўғрисидаги қонунни имзолади.
Ўзгаришлар электромобилларни автомобиль йиғимидан озод қилишни назарда тутмоқда.
Ҳужжатга кўра, Солиқ кодексининг 459-моддаси 9-банд билан тўлдирилмоқда. Унда электромобилларни Ўзбекистонга сотиб олиш ва (ёки) вақтинча олиб кириш учун автотранспорт йиғимини тўлашдан озод қилиш кўзда тутилмоқда.
Январь-июль ойларида Ўзбекистонга 432 та ёки ўтган йилдаги умумий кўрсаткичдан 2,3 баробар кўпроқ электромобиль импорт қилинган. Улар асосан Хитойдан олиб кирилади.
Ўзбекистонда электромобилларни олиб кирганлик учун акциз солиғи бекор қилинган ва божхона божининг ноль ставкаси ҳам ўрнатилган.
Изоҳ қолдириш