Инқирозга қарши курашиш жамғармасининг харажатлари қаерга ва қандай сарф қилиняпти?

Инқирозга қарши курашиш жамғармасининг жами харажатлари 3 306 млрд сўм. Ушбу маблағлардан Республика санитария-эпидемиологик осойишталик агентлигига 573 млрд сўм ажратилган:

• 270 млрд сўм тест системалар, реактивлар ва ҳимоя воситаларини сотиб олиш учун;
• 11 млрд сўм махсус автотранспорт воситаларини харид қилиш учун;
• 3 млрд сўм карантинга олинган фуқароларни дори-дармон билан таъминлаш учун;
• 12 млрд сўм карантин тадбирларига жалб этилган, коронавирус инфекциясига чалинган беморларни даволаётган тиббиёт ва бошқа ходимларга махсус қўшимча устама ва рағбатлантириш тўловлари учун йўналтирилган.

Шунингдек, 277 млрд сўм ҳудудий марказларга:

• 250 млрд сўм фуқароларни карантинда сақлаётган муассасалар ходимларининг иш ҳақи, озиқ-овқат, гигиена товарлари ва бошқа харажатларга, шу жумладан, 129 млрд сўм ҳудудлардан ушбу тадбирларга жалб этилган тиббиёт ходимларининг махсус қўшимча устама ва рағбатлантириш тўловлари учун;
• 18 млрд сўм жамоат жойларининг дезинфекция қилиш харажатлари учун;
• 9 млрд сўм эпидемик ҳолат билан курашиш бўйича ва бошқа тадбирлар учун йўналтирилган.

Ижтимоий соҳага 294 млрд сўм ажратилган. Улардан:

• 60 млрд сўм Касаба уюшмалари федерацияси кенгашига кам таъминланган оилаларда яшовчи хотин-қизларни қўллаб-қувватлаш учун;
• 70 млрд сўм ижтимоий нафақалар учун;
• 100 млрд сўм Жамоат ишлари жамғармасига банд бўлмаган фуқароларни вақтинчалик ишларга жалб қилиш учун;
• 50 млрд сўм Бандликка кўмаклашиш давлат жамғармасига ишсиз, кам таъминланган оилаларга шахсий томорқаларини ривожлантириш учун;
• 11 млрд сўм “Тошкент метрополитени“ ва “Тошшаҳартрансхизмат“ ходимларига иш ҳақи ва тўловлар учун;
• 2 млрд сўм “Ўзавтотранссервиз“ ва “Тошшаҳартрансхизмат“ транспорт харажатларини қоплаш учун;
• 1 млрд сўм Мудофаа вазирлигига гуманитар ёрдам билан боғлиқ харажатлар олиб келиш учун йўналтирилган.

Иқтисодиётни қўллаб-қувватлашга 1,4 трлн сўм ажратилган бўлиб, улар қуйидагича йўналтирилган:

• 500 млрд сўм “Иссиқлик электр станциялари“ АЖ корхоналарига субсидия маблағлари;
• 401 млрд сўм “Ўзбекнефтгаз“ АЖга субсидия маблағлари;
• 101 млрд сўм “Uzbekistan Airports” АЖга ссуда;
• 406 млрд сўм “Uzbekistan Airways” АЖга ссуда;
• 40 млрд сўм “Биринчи резинотехника заводи“ МЧЖнинг биринчи даражали харажатларнинг амалга ошириш учун ссуда.

Шифохоналар ва карантин мажмуаларини қуриш ва жиҳозлашга 487 млрд сўм йўналтирилган. Улар:

• 286 млрд сўм 10 000 ўринли махсус шифохоналар қуриш учун;
• 182 млрд сўм 20 000 ўринли аҳолини вақтинчалик карантинда сақлаш мажмуасини қуриш учун;
• 10 млрд сўм диагностика лабораторияси мажмуасини реконструкция қилиш учун;
• 9 млрд сўм тиббий жиҳоз ва инвентарлар, дори-дармон, дезинфекция ишлари ва тиббий буюмлар учун.

Сув таъминоти ва ирригация тадбирлари билан боғлиқ харажатлар учун 504 млрд йўналтирилган. Улар:

• 246 млрд сўм ирригация объектларини қуриш ва реконструкцияси учун;
• 61 млрд сўм “Ҳудудий сув таъминоти“ МЧЖга ссуда маблағлари;
• 57 млрд сўм Жиззах вилояти Зафаробод туманидаги “Иншоот“ қурилиши объектига;
• 53 млрд сўм Давлат экология қўмитасига ссуда маблағлари;
• 39 млрд сўм Уй-жой коммунал хизмат кўрсатиш вазирлигига ичимлик сув таъминоти ва оқова сув чиқариш тизимларини қурилишига;
• 14 млрд сўм Сув хўжалиги вазирлигига – Жиззах вилоятидаги ирригация тадбирлари учун;
• 10 млрд сўм Оролни қутқариш жамғармасига ирригация тадбирлари учун;
• 16 млрд сўм 20 000 ўринли аҳолини вақтинчалик карантинда сақлаш мажмуаси сув таъминоти учун;
• 8 млрд сўм 10 000 ўринли махсус шифохоналар сув таъминоти учун.