2022 йилнинг 3-чорак якунига кўра чакана савдо товар айланмаси 7 743,3 млрд. сўмни ташкил этиб, ўтган йилнинг шу даврига нисбатан 13,3% га ўсди. Шу жумладан, йирик корхоналарнинг товар айланмаси 1 189,7 млрд. сўмни, умумий ҳажмдаги улуши 15,4%ни (ўтган йилнинг шу даврига нисбатан 34%га ўсди), кичик тадбиркорлик субъектларининг товар айланмаси 6 553,6 млрд. сўмни, умумий ҳажмдаги улуши 84,6%ни (ўтган йилнинг шу даврига нисбатан 10,2%га ўсган), шу жумладан, уюшмаган савдо товар айланмаси 1 297,8 млрд. сўмни, умумий ҳажмдаги улуши 16,8%ни (ўтган йилнинг шу даврига нисбатан 15,3%га ошган) ташкил этди.
Улгуржи савдо товар айланмаси 1 944,4 млрд. сўмни ташкил этиб, ўтган йилнинг шу даврига нисбатан 7,4%га ўсди. Шу жумладан, йирик корхоналарнинг товар айланмаси 395,6 млрд. сўмни, умумий ҳажмдаги улуши 20,3%ни (ўтган йилнинг шу даврига нисбатан 15,8%га камайган), кичик тадбиркорлик субъектларининг товар айланмаси 1 548,8 млрд. сўмни, умумий ҳажмдаги улуши 79,7%ни (ўтган йилнинг шу даврига нисбатан 15,6%га ўсди) ташкил этди.
Чакана савдо товар айланмаси ҳажмининг 2017-2019 йилларда ўсиш суръати кузатилган бўлса, 2020 йилга келиб пандемия таъсири сабабли пасайиш содир бўлган. 2020 йилдан бошлаб 2022 йил январь-сентябрь ойларига қадар ўсиш кузатилган. Юқоридаги графикда умумий тенденциядаги ўсишни кўриш мумкин.
Аҳоли жон бошига чакана савдо товар айланмаси 2017-2021 йиллар оралиғида мос равишда 2 622,2 минг сўмдан 6 398,9 минг сўмгача ўсиб, деярли 3 бараварни ташкил этди.
Шаҳар ва туманлар кесимида энг юқори кўрсаткичлар Жиззах шаҳрида 10 792 минг сўм, Бахмал туманида 8 584 минг сўм ҳамда Зомин туманида 5 878,4 минг сўм, энг паст кўрсаткичлар Зафаробод туманида 2195,2 минг сўм ва Янгиобод туманида 2412,1 минг сўмни ташкил этди.
Изоҳ қолдириш