Қашқадарё вилоятининг 2022 йилнинг январь-июнь ойларидаги асосий макроиқтисодий кўрсаткичлари

Қашқадарё вилоятининг 2022 йилнинг январь-июнь ойларидаги асосий макроиқтисодий кўрсаткичлари

Ялпи ҳудудий маҳсулот. 2022 йилнинг биринчи ярим йиллигида вилоятдаги ялпи ҳудудий маҳсулот (ЯҲМ) ҳажми 22 234,2млрд сўмни, ўсиш кўрсаткичи 2021 йилнинг мос даврига нисбатан 104,6%ни (ўсиш кўрсаткичи бўйича Республика ҳудудлари орасида 9-ўрин) ташкил қилган.

Вилоятда яратилган ЯҲМнинг Республика ялпи ички маҳсулотдаги улуши 5,7%ни ташкил қилган ҳолда Тошкент шаҳри, Тошкент, Навоий, Самарқанд, Фарғона ва Андижон вилоятларидан кейинги 7-ўринни эгаллаган.

Жон бошига тўғри келадиган ЯҲМ хажми 6 494,6 минг сўмни ташкил қилган ҳолда (Республика ҳудудлари орасида 9-ўрин) ўтган йилнинг мос даврига нисбатан 102,4%га ошган. Вилоят жон бошига тўғри келадиган ЯҲМ хажми Республика жон бошига ўртача кўрсаткичидан 1,7 баравар паст бўлган.

Саноат. Вилоятда 10 152,6 млрд сўмлик саноат маҳсулотлари ишлаб чиқарилган бўлиб, 2021 йилнинг мос даврига нисбатан 105,6% (ўсиш кўрсаткичи бўйича Республика ҳудудлари орасида 11-ўрин)га ошган. Вилоятда ишлаб чиқарилган саноат маҳсулотларининг республика саноатидаги улуши 4%ни ташкил қилган ва ҳудудлар орасида 8-ўринни эгалланган.

Вилоятда жон бошига тўғри келадиган саноат маҳсулотлари хажми 2 965,6 минг сўмни (Республика ҳудудлари орасида 12-ўрин) ташкил қилган ҳолда ўтган йилнинг мос даврига нисбатан 103,4%га ошган. Шунингдек, вилоят миқёсида жон бошига тўғри келадиган саноат хажми Республика жон бошига ўртача кўрсаткичидан 2,4 баравар паст бўлган.

Истеъмол товарлари. Вилоятда 2 089,6 млрд сўмлик (2021 йилга нисбатан 105,5%) истеъмол товарлари ишлаб чиқарилган бўлиб, республикадаги улуши 2,4%ни ташкил қилган ҳолда ҳудудлар орасида 12-ўринни эгаллаган.

Қишлоқ ўрмон ва балиқ хўжалиги. Вилоятда 12 829,1 млрд сўмлик қишлоқ ўрмон ва балиқ хўжалиги маҳсулотлари ишлаб чиқарилган бўлиб, ўтган йилнинг мос даврига нисбатан 103,6%га ошган. Республика қишлоқ хўжалик маҳсулотларида вилоятнинг улуши 9,7%ни ташкил қилган ҳолда, ҳудудлар орасида 5-ўринни эгаллаган.

Жон бошига тўғри келувчи қишлоқ ўрмон ва балиқ хўжалиги маҳсулотлари хажми 3 747,4 минг сўм бўлиб, Республика ҳудудлари орасида 8-ўринни эгаллаган ва ўсиш кўрсаткичи ўтган йилнинг мос даврига нисбатан 101,3%ни ташкил этган.

Хизмат кўрсатиш. Кўрсатилган бозор хизматлари хажми 7 299,1 млрд сўмни ташкил қилган ҳолда, ўтган йилга нисбатан 112,3%га ошган. Хизматлар хажмининг республика кўрсаткичидаги улуши 4,5%ни ташкил қилган ҳолда, ҳудудлар орасида 7-ўринни эгаллаган.

Жон бошига тўғри келадиган хизматлар ҳажми 2 132,1 минг сўм (Республика жон бошига ўртача кўрсаткичидан 2 баравар кам) бўлиб, ҳудудлар орасида охирги ўринни эгаллаган. Бироқ, 2021 йилнинг мос даврига нисбатан 109,9%га ошган.

Чакана савдо. Вилоятдаги чакана савдо ҳажми 8 939,7 млрд. сўмни ташкил қилган ҳолда, ўтган йилга нисбатан 109,9%га ошган. Чакана савдо хажмининг республика кўрсаткичидаги улуши 6,7%ни ташкил қилган ҳолда, ҳудудлар орасида 6-ўринни эгаллаган.

Вилоятда жон бошига тўғри келувчи чакана савда айланмаси ҳажми 2 611,3 минг сўмни(Республика жон бошига ўртача кўрсаткичидан 1 174 сўмга кам) ташкил қилган ҳолда ўтган йилга нисбатан 107,6%га ошган ва ҳудудлар орасида 12-ўринни эгаллаган.

Қурилиш ишлари. Қурилиш ишлари ҳажми 3 454,0 млрд. сўмни ташкил қилган ҳолда, 2021 йилга нисбатан 106,8%га ошган. Вилоятда қурилиш ишлари ҳажмининг республика кўрсаткичидаги улуши 5,7%ни ташкил қилган ҳолда, ҳудудлар орасида 6-ўринни эгаллаган.

Асосий капиталга киритилган инвестициялар. Асосий капитилга киритилган инвестициялар ҳажми 7 373,3 млрд сўм (2021 йилга нисбатан 105,7%) бўлиб, Республикадаги улуши 5,8% (ҳудудлар орасида 6-ўрин)ни ташкил қилган. Жон бошига тўғри келадиган асосий капиталга киритилган инвестициялар ҳажми 2 153,7 минг сўм (2021 йилга нисбатан 103,4%) ни ташкил қилган.

Ташқи савдо айланмаси. Ташқи савдо айланмаси хажми 292,4 млн АҚШ долларини ташкил қилган ҳолда, ўтган йилнинг мос даврига нисбатан 130,4%га ошган. Вилоят ташқи савдо айланмасининг Республика жами ташқи савдо айланмасидаги улуши 1,2%ни ташкил қилган ҳолда, ҳудудлар орасида 13-ўринни эгаллаган. Ташқи савдо айланмаси таркибида экспортнинг улуши 53,7%, импортнинг улуши 46,3%ни ташкил қилган.

2022 йилнинг биринчи ярим йиллигида вилоят миқёсида амалга оширилган жами экспорт ҳажми 157,0 млн АҚШ долларини ташкил қилган ҳолда 2021 йилнинг биринчи ярим йиллигига нисбатан 144,2%га, импорт хажми 135,4 млн АҚШ долларини ташкил қилган ҳолда 117,4%га ошган.

Фурқат Исломов
Иқтисодий тадқиқотлар ва ислоҳотлар маркази
Қашқадарё филиали етакчи илмий ходими
Мақолани улашинг

Ўхшаш янгиликлар