Хоразм вилоятининг 2021 йил якунлари бўйича асосий макроиқтисодий кўрсаткичлари таҳлили

Хоразм вилоятининг 2021 йил якунлари бўйича асосий макроиқтисодий кўрсаткичлари таҳлили

2021 йил Хоразм вилояти ялпи ҳудудий маҳсулоти 2020 йилга нисбатан 9,2 фоизга ўсди ва 26,9 трлн. сўмни ташкил этди.

Аҳоли жон бошига ялпи ҳудудий маҳсулот ҳажми эса 14 млн. сўмни ташкил этиб, 2020 йилга нисбатан 7,6 фоизга ўсди.

2021 йилда ҳудудда саноат маҳсулотлари ишлаб чиқариш ҳажми 13,6 трлн. сўмни ташкил этиб, ўтган йилга нисбатан 17,2 фоизга ўсди.

Шунингдек, 2021 йилда қишлоқ хўжалигида 2020 йилга нисбатан 4,0 фоизга ўсиш кузатилди ва қишлоқ хўжалиги маҳсулотларини ишлаб чиқариш ҳажми 20,5 трлн. сўмни ташкил этди.

Шу билан бирга, қурилишда (32,2%), хизмат кўрсатиш соҳасида (19,6%), чакана савдо айланмасида (11,0%) ва истеъмол товарлари ишлаб чиқаришда (10,6%) юқори ўсиш суръатлари кузатилди.

Асосий капиталга йўналтирилган инвестициялар 44,2%га ўсди ва улар ҳажми 8,6 трлн. сўмни ташкил этди, импорт эса ўтган йилга нисбатан 4, 6% га камайди.

2021 йилда Хоразм вилоятида 4914 та кичик бизнес субъекти ташкил этилди, 2020 йилга нисбатан 6,0 фоизга ўсди.

2021 йилда Хоразм вилоятининг ташқи савдо айланмаси қарийб 516,7 млн. АҚШ доллари ташкил этди ва 2020 йилга нисбатан 10,1 фоизга ошди. Ҳудуднинг экспорт ҳажми 230,8 млн. АҚШ доллари ва импорт ҳажми 285,9 млн. АҚШ доллари ташкил этган ва савдо балансида салбий сальдо қайд этилган.

Юсуп Жумабаев

Иқтисодий тадқиқотлар ва ислоҳотлар маркази Қорақалпоғистон Республикаси филиалининг етакчи илмий ходими

Саламат Бегманов

Иқтисодий тадқиқотлар ва ислоҳотлар маркази Қорақалпоғистон Республикаси филиалининг бош илмий ходими

Мақолани улашинг

Ўхшаш янгиликлар