Infografika: O‘zbekiston va Pokiston o‘rtasidagi savdo hajmi

Infografika: O‘zbekiston va Pokiston o‘rtasidagi savdo hajmi
2021 yil yakunlariga ko‘ra, O‘zbekiston va Pokiston o‘rtasidagi savdo hajmi 181,5 mln.dollarni tashkil etdi. Shundan 130,0 mln.dollar yoki 71,6% eksport, 51,5 mln.dollar yoki 28,4% importga to‘g‘ri keladi.

O‘zbekiston jahonning 135 ta mamlakatlari bilan savdo aloqalarini amalga oshirib kelmoqda. Pokiston bilan umumiy tashqi savdodagi ulushi 0,4%ni, eksportda 0,8%ni, importda 0,2%ni tashkil etadi.

O‘zbekiston va Pokiston o‘rtasidagi o‘zaro savdo ulushi:

- Oziq-ovqat, ichimliklar va tamaki mahsulotlari 49%ni tashkil etdi. Shundan 26,50 mln.dollari import, 62,93 mln.dollari eksport hissasiga to‘g‘ri keladi.

- Sanoat mollari 33%ni tashkil etdi. Shundan 0,80 mln.dollari import, 59,20 mln.dollari eksport hissasiga to‘g‘ri keladi.

- Kimyoviy mahsulotlar va buyumlar 12%ni tashkil etdi. Shundan 20,19 mln.dollari import, 0,71 mln.dollari eksport hissasiga to‘g‘ri keladi.

Adliya vazirligining xabar berishicha, 25 fevral kuni «Xalqaro shartnomani tasdiqlash to‘g‘risida» Prezident qarori imzolandi.

Hujjatga muvofiq, O‘zbekiston hamda Pokiston hukumatlari o‘rtasida tranzit savdosi to‘g‘risidagi bitim tasdiqlandi. Bu bitim 2021 yilning 15 iyulida Toshkent shahrida imzolangandi.

Investitsiya va tashqi savdo vazirligi, Transport vazirligi va Davlat bojxona qo‘mitasi ushbu xalqaro shartnomani amalga oshirish uchun mas’ul vakolatli organlar etib belgilandi.

«Vazirlar Mahkamasi hamda tegishli vazirlik va idoralarning rahbarlari mazkur xalqaro shartnoma kuchga kirgandan keyin O‘zbekistonning majburiyatlari bajarilishini ta’minlaydi», deyiladi xabarda.

15 iyul kuni imzolangan shartnoma Shavkat Mirziyoyev Pokiston bosh vaziri Imron Xonning tashrifi doirasida Hukumatlararo komissiya majlisi hamda O‘zbekiston — Pokiston biznes forumida 500 mln dollarlikdan ziyod shartnomalar imzolanganligini ma’lum qilgan edi.

Bundan tashqari, quyidagilar ham imzolangan edi:

  • Mudofaa vazirliklari o‘rtasida harbiy ta’lim sohasida hamkorlik to‘g‘risida protokol;
  • 2021−2026 yillarga mo‘ljallangan Madaniy almashuv dasturi;
  • Turizm masalalari bo‘yicha anglashuv memorandumi;
  • Davlat chegarasidan olib o‘tilayotgan tovarlar va transport vositalari haqida oldindan axborot almashish to‘g‘risida bayonnoma;
  • Jahon iqtisodiyoti va diplomatiya universiteti bilan Pokiston diplomatik xizmat akademiyasi o‘rtasida anglashuv memorandumi;
  • O‘zbekiston — Pokiston ishbilarmonlar kengashini tuzish to‘g‘risida bitim.

Maqolani ulashing

O'xshash yangiliklar