Iqtisodiy tadqiqotlar va islohotlar markazi har oyda O‘zbekiston avtomobil bozoridagi vaziyatni tahlil qilib boradi.
Fevral oyi yakunlariga ko‘ra, O‘zbekistonda barcha transtport vositalarining umumiy savdosi 115 mingdan oshdi. Umuman olganda, avtomobil bozori yil davomida 6,3%ga kamaydi.
Fevral oyida 109,7 mingta yengil avtomobillar sotildi. Shu bilan birga, yillik shartlarda yengil avtomobillar bozori 5,6%ga kamaydi.
Birlamchi yengil avtomobillar bozoridagi vaziyatga kelsak, bir oy davomida sotuvlar sezilarli darajada kamaydi va 26 mingdan sal ko‘proq avtomobilni tashkil etdi. O‘tgan yilga nisbatan yengil avtomobillarning birlamchi avtomobil bozori 8,4%ga o‘sdi.
Shu bilan birga, oy davomida mamlakatimizda ishlab chiqarilgan 23,5 mingta yengil avtomobillar sotildi, bu o‘tgan yilning fevral oyiga nisbatan 7,7%ga ko‘pdir.
Yil davomida xorijda ishlab chiqarilgan avtomobil bozori 15,6%ga o‘sdi. Fevral oyi oxiriga kelib, xorijda ishlab chiqarilgan yangi yengil avtomobillar savdosi 2,7 mingtani tashkil etdi.
Yil boshida boshlangan elektromobillarga qiziqish biroz pasayganiga qaramay, yil davomida yangi elektromobillar savdosi 3 barobar oshdi.
Iqtisodiy tadqiqotlar va islohotlar markazi
Jamoatchilik bilan aloqalar bo‘limi
Izoh qoldirish